Bombalanayotgan Gʻazo: 384-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 384 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️Bosqinchilar Rafah, Dayr al-Balah, Jabaliya va Burayj lagerlariga hujum qildi. 24 soat ichida 42 kishi vafot etdi. Urush boshlanganidan buyon 42 792 kishi shahid boʻldi.

▪️Gʻazo hukumati: Gʻazo shimolida fuqarolik mudofaasi ishlari butunlay toʻxtadi - vaziyat halokatli darajada. Jabaliya lageridagi 20 kunlik qamalda 770 dan ortiq odam halok boʻldi, 1000 kishi yaralandi.

▪️Al-Qassam brigadalari Jabaliyadagi ishgʻol qoʻmondonligi qarorgohiga qarshi muvaffaqiyatli operatsiya oʻtkazdi. Shtab ichida boʻlganlar yoʻq qilindi va yaralandi.

▪️“Hizbulloh” Tel-Avivdagi harbiy zavodga zarba berdi, shuningdek, Hayfa, Margaliot va Ramiyaga raketalarni uchirdi. Jami 28 ta “Merkava” tanki va 4 ta harbiy bulʻdozer yoʻq qilindi. 70 dan ortiq bosqinchilar halok boʻldi, 600 nafari yaralandi.

▪️Isroil Livanda 17 marta zarba berdi, ularning aksariyati Bekaa vodiysidagi suriyalik qochqinlar lagerlari va Bayrutdagi Al-Mayadeen mediaxoldingi ofisiga zarba berdi. 24 soat ichida 28 kishi vafot etdi. Halok boʻlganlar orasida uch Livan armiyasi askari ham bor.

▪️Livan Sogʻliqni saqlash vazirligi: Isroil bombardimonlari natijasida halok boʻlganlar soni 2574 kishiga etdi, 12001 kishi jarohat oldi.

▪️Bu kecha bosqinchilar Suriyaning Damashq va Homs shaharlariga ham hujum qildi. 1 kishi halok boʻldi, 7 kishi yaralandi.

▪️Isroil armiyasi Livandagi toʻqnashuvlarda 3 askarining oʻlgani, 3 tasining yaralanganini eʻʻlon qildi.

▪️Isteʻʻfodagi Isroil generali Itsxak Brik: Quruqlikdagi kuchlarimiz juda kichik va bir nechta frontda jang qila olmaydi. Hali HAMASni engishga ulgurgani yoʻq. Agar koʻp frontli mintaqaviy urush boshlansa, Isroil armiyasi koʻplab quruqlikdagi frontlarda jang qilishiga toʻgʻri keladi. Bu ham juda qiyin koʻrinmoqda.

▪️Al Jazeera jurnalisti Anas Sharif Isroil tomonidan "qurolli guruhlar bilan aloqada boʻlish"da ayblangan olti muxbir orasida.

▪️AQSh-Britaniya jangovar samolyotlari Yamanning Hudayda aeroportini bombardimon qildi.