Bombalanayotgan Gʻazo: 383-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 383 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️Bosqinchilar Rafah, Bayt Lahiya va Jabaliya lageriga hujum qildi. Oxirgi 24 soat ichida 70 kishi halok boʻldi, ulardan 60 nafari Gʻazo shimolida.

▪️Shimoliy Gʻazo qamalining 19-kuni. Bayt-Laxiyani tark etishga muvaffaq boʻlgan guvohlar yoʻllar boʻylab yotgan tinch aholining koʻp sonli jasadlari yotgani va erkaklar ommaviy hibsga olingani haqida xabar berishdi.

▪️Bosqinchilar “Al-Auda” kasalxonasini toʻliq toʻsib, barcha tirik mavjudotni oʻqqa tutdi.

▪️Gʻarbiy sohilda ishgʻolchilar Al-Xalil, Baytlahm, Qalqilya, Quddus, Erixo, Nablusga hujum qildi. 11 yoshli bola oʻldirilgan, oʻnlab odamlar hibsga olingan.

▪️Livan janubida “Hizbulloh” bilan soʻnggi 24 soat ichida sodir boʻlgan toʻqnashuvlarda kamida 25 ta isroillik askar yaralandi. Shuningdek, bir qancha qurbonlar bor.

▪️Al-Qassam brigadalari: Jabaliya sharqida “Merkava” tankini yoʻq qildik.

▪️Hizbulloh Al-Manar, Misgav Am va Kiryat Shmona shaharlarida bosqinchi askarlarga hujumlar uyushtirdi. Kun davomida 39 ta harbiy amaliyot oʻtkazildi.

▪️Husiylar Yafadagi harbiy bazaga hujum qildi. Zarba «Palastin-2» gipertovushli raketasi yordamida amalga oshirilgan.

▪️Iroq qarshilik kuchlari Umm er-Rashrashda (Eilat) muhim nishonga uchuvchisiz havo vositalari bilan hujum qildi.

▪️Bosqinchilar Burj al-Barajna falastinlik qochqinlar lageriga hujum qildi. Livandagi halok boʻlganlar soni 2350 nafarga etdi.

▪️BMT bosh kotibi Antoniu Guterrish BRIKS sammitida qatnashish uchun Qozonga keldi.