Bombalanayotgan Gʻazo: 360-kunning asosiy voqealari
Isroil Gʻazo sektorida bosqinchilik va qirgʻinbarot urushini boshlaganiga 360 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
▪️Bosqinchilar Gʻazo sektorining Dayr al-Balah, Bayt-Laxiya va Xon Yunis shaharlariga hujum qildi. Oxirgi 24 soat ichida uyushtirilgan hujumlarda yana 20 nafar falastinlik hayotdan koʻz
yumgani, 108 kishi jarohat
olgani bildirildi.
▪️Isroil tomonidan 7 oktyabrdan beri uyushtirgan hujumlarda
qurbon boʻlganlar soni 41 615 nafarga, yaradorlar soni esa 96 359 nafarga koʻtarildi.
▪️Gʻarbiy Sohilda bosqinchilar Nablus, Qalqilya, Tulkarm,
Al-Xalil, Ramallah va Quddusga hujumlar uyushtirmoqda. Oʻnlab falastinliklar
hibsga olingan.
▪️Livanni bombardimon qilishning 15-kuni ishgʻolchilar Bayrut
markazidagi Bekaa, nasroniylar mahallasi va Saidaga yirik hujumlar uyushtirdi. Livan Sogʻliqni saqlash vazirligining
maʻʻlum qilishicha, Isroilning Livanga qilgan oxirgi hujumlarida 109 kishi halok
boʻldi, 364 kishi yaralandi.
▪️Livan
rasmiylariga koʻra, Hizbulloh ishlatgan aloqa qurilmalari portlatilgan 17
sentyabrdan beri jami 1174 kishi, jumladan 104 bola va 194 ayol halok boʻldi.
▪️Hizbulloh ishgʻol ostidagi Falastindagi bosqinchilarning harbiy
nishonlariga qarshi 11
ta operatsiya oʻtkazdi. Ballistik
raketalar Safad, Akka, Kfar Shuba, Zovolun bazasi va Hayfani nishonga oldi.
▪️Hizbulloh mintaqaga ballistik raketa uchirgach, Hayfada bir
milliondan ortiq koʻchmanchilar bomba boshpanalariga yashiringan.
▪️Livan Sogʻliqni saqlash vazirligi: Isroilning Livanga qilgan
oxirgi hujumlarida 109 kishi halok boʻldi, 364 kishi yaralandi.
▪️HAMAS: Livandagi HAMAS harakati etakchisi, shahid Fatoh
Sharif Abu al-Amin halok boʻlganidan qaygʻuramiz.
▪️Yaman
husiylari AQSh Qurolli Kuchlariga tegishli boʻlgan yana bir MQ-9 uchuvchisiz uchogʻini
urib tushirdi. Bu 2023 yil 7 oktyabrdan buyon 11-, sentyabrʻ oyidagi toʻrtinchi urib
tushirilgan AQSh razvedka droni hisoblanadi.
Mavzuga aloqador
-
Isroilning Gʻazoga uyushtirgan hujumlarida oʻlganlar soni oxirgi 24 soatda 297 kishi ortib, 17 997 nafarga etdi.
-
Misr Milliy saylov kengashi amaldagi prezident Abdul Fattoh as-Sisiy qayta prezident etib saylanganini eʻʻlon qildi.
