Bombalanayotgan Gʻazo: 349-kunning asosiy voqealari
Bombalanayotgan
Gʻazo: 349-kunning asosiy
voqealari
Isroil Gʻazo sektorida
bosqinchilik va
qirgʻinbarot urushini
boshlaganiga 349 kun
boʻldi. 24 soat
davomida Gʻazo
sektori, Iordan
daryosining Gʻarbiy
sohili hamda
butun Yaqin
Sharq hududida
sodir boʻlgan
asosiy voqealar.
▪️Bosqinchilar Jabaliya, Rafah, Shujayi va Zaytun tumanlariga hujum qildi.
Urush boshlanganidan buyon 41272 kishi shahid boʻldi.
▪️Natsistlar Shujayidagi koʻchirilganlar maktabi va Jabaliyadagi
turar-joy binolariga ikkita yirik hujum uyushtirdi. Oʻnlab odamlar halok boʻldi.
▪️Gʻarbiy Sohilda ishgʻolchilar Nablus, Jenin va Baytlahmga
bostirib kirdi. 48 soat ichida 60 dan ortiq falastinlik hibsga olindi, ikki bola halok boʻldi.
▪️Livan Sogʻliqni saqlash vazirligi: Livan boʻylab aloqa
qurilmalarining portlashi oqibatida 20 kishi halok boʻldi va 450 kishi jarohat
oldi. Yaralarning tabiati oldingi hujumga qaraganda ancha ogʻirroq.
▪️Livandagi yirik teraktdan soʻng
isroillik fashistlar Livanning Markaba, Rab-Tilayn va Al-Adisa shaharlariga
fosforli bombalar tashladi.
▪️Ynetnews: Isroil
mudofaa kuchlari (TsAXAL)
Livanda elektron qurilmalar portlashi fonida 98-diviziyani Gʻazo sektoridan
shimoliy chegaraga oʻtkazishni boshladi. Gʻazoda esa 162 va 252-diviziyalar qoldi.
▪️Falastin
tomonidan BMT Bosh Assambleyasiga birinchi marta taqdim etilgan va Isroildan 12 oy
ichida bosib olingan hududlardagi mavjudligini toʻxtatishni talab qiluvchi
rezolyutsiya mutlaq koʻpchilik ovoz bilan qabul qilindi: 124 ovoz, 14 qarshi, 43
betaraf.
▪️Bosqin ostidagi Falastin shimolidagi Tal-Xay shahrida tankka qarshi raketa harbiy
mashinaga tegib, bir askar halok boʻldi, toʻrt nafari yaralandi.
▪️Saudiya Arabistoni valiahd shahzodasi Muhammad bin Salmon: Poytaxti Sharqiy Quddus boʻlgan Falastin
davlatini barpo etish talablari qondirilmaguncha Isroil bilan aloqa oʻrnatmaymiz.
▪️Germaniya Isroilga qurol eksportini toʻxtatdi.
Xolokost va genotsidni oʻrganish boʻyicha isroillik amerikalik
professor Omer Bartov: Haaretz hisob-kitoblariga koʻra, Gʻazo
aholisining 2 foizi halok boʻlgan. XXI asrda
aholining foizi faqatgina
Suriyada oʻldirilgandi. Suriyada 13 yil davom etgan qatliom Gʻazoda 10 oy davom etdi.
Mavzuga aloqador
-
HAMAS Gazoda tinchlik oʻrnatish boʻyicha Misr va Qatar tomonidan ilgari surilgan sulh shartlarini qabul qildi. Kelishuv 42 kun davom etadigan 3 bosqichni oʻz ichiga oladi. Isroil esa Rafahga hujumni davom ettirishga qaror qildi.
-
Isroil Gʻazo sektorida bosqinchilik va qirgʻinbarot urushini boshlaganiga 318 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
