BMT: Sudandagi urush 7 million odamni uylarini tark etishga majbur qildi

BMTning qochqinlar boʻyicha oliy komissari Grandi X platformasida Sudanda qancha odam fuqarolar urushi tufayli oʻz uylarini tashlab ketishga majbur boʻlgani haqida maʻʻlum qildi.

Sudandagi urushning hozirda 7 million kishini uylarini tark etishga majbur qilganini taʻʻkidlagan Grandi: "Etti million qochqin va uylarini tark etgan inson. Dunyo bunga befarq qolmoqda", - dedi.

Sudandagi fuqarolar urushi

Sudanda tomonlar mamlakat gʻarbi va janubi-gʻarbidagi 9 ta viloyatda, shuningdek, poytaxt Xartumda ogʻir qurollar bilan toʻqnashuvni davom ettirmoqda.

Sudan hukumati xalqaro hamjamiyatni "terrorchi guruh" sifatida qabul qilishga chaqirgan Tezkor qoʻllab-quvvatlash kuchlari 15 aprelʻ kuni boshlangan fuqarolar urushi oldidan tizimga integratsiyalashib ulgurmagan habiy kuch edi.

Armiya va Tezkor qoʻllab-quvvatlash kuchlari oʻrtasidagi toʻqnashuvda 10 mingdan ortiq tinch aholi halok boʻldi, minglab odamlar tan jarohati oldi.

Xalqaro sulh va muzokaralarga urinishlar tomonlarning oʻzaro huquqbuzarliklarda ayblashlari va ilgari surilgan shartlar boʻyicha kelisha olmaganliklari sababli hozirgacha muvaffaqiyatsizlikka uchrab kelmoqda.

Jumladan, tomonlar 7 noyabrʻ kuni Saudiya Arabistonining Jidda shahrida tinchlik muzokaralari doirasida uchrashdi. Saudiya Arabistoni, AQSh va Sharqiy Afrikadagi hukumatlararo rivojlanish boshqarmasi boshchiligidagi muzokaralarda tomonlar gumanitar yordam etkazilishini osonlashtirish va ishonchni mustahkamlash chora-tadbirlarini amalga oshirish boʻyicha choralar koʻrish majburiyatini oldi.

Mavzuga aloqador

Eng ko‘p o‘qilgan

Tavsiya qilingan

Reklama