Belarus yana rus “Shahid”larini urib tushirdi

Belarus Mudofaa vazirligi 5 sentyabrga oʻtar kechasi davlat chegarasini buzib oʻtgan bir qancha rus uchuvchisiz uchoqlari urib tushirilganini maʻʻlum qildi. “Shahid” tipidagi uchuvchisiz uchoqlar qiruvchi samolyotlar yordamida yoʻq qilingan. Telegram-kanallarda portlashlar eshitilib, yongʻinlar boshlangani xabar qilindi.

Belarus Mudofaa vazirligi 5 sentyabrga oʻtar kechasi bir qancha uchuvchisiz uchoqlar davlat chegarasini buzib oʻtgani, ularning barchasi yoʻq qilinganini bildirdi. Avvalroq Telegram-kanallarda Rossiya tomonidan Ukrainaga uchirilgan “Shahid” rusumli uchuvchisiz uchoqlar Belarus hududiga kirib kelgani, bunga javoban qiruvchi samolyotlar havoga koʻtarilgani hamda portlashlar eshitilib, yongʻinlar boshlangani haqida xabar bergan edi.

Xususan, Monitor va “Nikolaevskiy Vanek” Telegram-kanallariga koʻra, chegarani kesib oʻtgan va Gomel tomon yoʻl olgan ikkita dron yarim soatdan soʻng urib tushirilgan. Shahar ustida ikkita portlash sodir boʻlgan. «Flagshtok» kanali 2022 yildan beri sinovdan oʻtkazilayotgan ogohlantirish tizimi hujum vaqtida ishlamaganini qoʻshimcha qildi.

Taxminlarga koʻra, Rossiyaning etti-sakkizta droni kun davomida Ukraina-Belarus chegarasi orqali uchib oʻtgan.

Ukraina harbiy-havo kuchlari dronlar Chernigov, Kiev va Sumi viloyatlari yoʻnalishida uchayotganini maʻʻlum qildi.

Oʻz navbatida, Rossiya Mudofaa vazirligi Qora dengizda ikkita harbiy-dengiz droni yoʻq qilingani haqida xabar berdi. Avvalroq Novorossiysk meri boshqaruvchisiz qayiqlar hujumi xavfi haqida ogohlantirgan, shu sababli qirgʻoq hududida harakatlanishga cheklovlar kiritilgandi. Soat 8 larda signal bekor qilindi, biroq hujum oqibatlari haqida xabar berilmadi.

Oʻsha tunda Ukraina uchuvchisiz uchoqlari Rossiyaning bir qancha hududlariga hujum qildi. Rossiya Mudofaa vazirligi maʻʻlumotlariga koʻra, Belgorod va Bryansk viloyatlari osmonida ikkita, Kursk viloyatida uchta uchuvchisiz uchuvchisiz uchish apparati, shuningdek, Belgorod viloyatida bittadan “Olʻxa” raketasi urib tushirilgan.