AQSh Senati Ukraina, Isroil va Tayvanga 95 milliard dollar ajratishni maʻʻqulladi

AQSh Senati nihoyat Ukrainaga 61, Isroilga va Gʻazo sektoriga insonparvarlik yordami uchun 26 hamda Tayvanʻ va Hind-Tinch okeani mintaqasida xavfsizlikni taʻʻminlashga 8 milliard dollar ajratishni koʻzda tutgan qonun loyihasini qabul qildi. Ushbu hujjat tez orada prezident Bayden tomonidan imzolanishi kutilmoqda.

AQSh Senati uzoq kutilgan Ukraina, Isroil va Tayvanga umumiy 95 milliard dollarlik yordam paketini maʻʻqulladi. Tashabbusni 79 senator qoʻllab-quvvatladi, 18 nafari esa qarshi chiqdi. Bu haqda Al Jazeera telekanaliga tayanib Yeni Şafak xabar berdi.

Ushbu mablagʻning 61 milliard dollari Ukrainaga yordam berish uchun moʻljallangan. Ukraina uchun ajratilayotgan mablagʻning 23,2 milliardi - Pentagon omborlaridan Kievga etkazib berilgan qurol-yarogʻ va oʻq-dorilar oʻrnini toʻldirishga, 13,8 milliardi - ochiq bozorda Ukraina uchun harbiy xaridlarni amalga oshirishga, 11,3 milliardi - "mintaqada AQShning joriy harbiy amaliyotlarini" qoʻllab-quvvatlashga yoʻnaltiriladi.

Eslatib oʻtamiz, avvalroq Turkiya Vashington tomonidan Ukrainaga etkazib berilgan snaryadlar oʻrnini toʻldirish uchun AQSh Mudofaa vazirligiga M107 gaubitsalariga 116 ming dona 155 mm snaryad etkazib berishi haqida xabar bergan edik.

Qoʻshma Shtatlar Isroilga yordam va Gʻazo sektoriga gumanitar yordam koʻrsatish uchun 26 milliard dollar, Tayvan va Hind-Tinch okeani mintaqasida xavfsizlikni taʻʻminlash uchun 8 milliard dollar ajratmoqda.

"Men ushbu qonun loyihasini imzolayman va u ish stolimga etib borishi bilanoq Amerika xalqiga murojaat qilaman. Shundan soʻng joriy haftadan Ukrainaga qurol va jihozlar yuborishga tayyorgarlik koʻrishimiz mumkin", - dedi prezident Jo Bayden bayonotida.

Reuters agentligining xabar berishicha, Bayden hujjatni imzolashi bilanoq Vashington Kievga 1 milliard dollarlik harbiy yordam paketini joʻnatadi.

Ukraina prezidenti Vladimir Zelenskiy hujjatning qabul qilinganini olqishladi.

Taybey AQSh bilan mablagʻlarni qanday toʻgʻri taqsimlashni muhokama qilishini maʻʻlum qildi. Xitoy Davlat Kengashining Tayvan ishlari boʻyicha boshqarmasi orolga yordam paketiga kiritilishiga “qarshi ekanligini” bildirdi.

Shunga oʻxshash paket fevralʻ oyida Senatdan oʻtgan, ammo uzoq vaqtdan beri Palataning kun tartibida turgan edi. Tramp tarafdori boʻlgan respublikachi spiker Mayk Jonson shu oy boshida toʻsatdan oʻz fikrini oʻzgartirib, mablagʻlarni alohida-alohida muhokama qilinadigan toʻrtta qonun loyihasi bilan ajratishni taklif qilganida barchasi oʻzgardi. Rejaning Ukraina qismida yordam grantlar koʻrinishida emas, balki kredit shaklida taqdim etilishi aytilgandi.

Senatdagi demokratlar va respublikachilar etakchilarining aytishicha, ovoz berish Kongress oʻz yoʻliga qaytganidan darak beradi.

"Ushbu qonun loyihasi Amerika xavfsizligi va Gʻarb demokratiyalari xavfsizligini himoya qilish uchun juda uzoq vaqt davomida Kongress tomonidan qabul qilingan eng muhim harakatlardan biridir", dedi Demokratik koʻpchilik etakchisi Chak Shumer ovoz berishdan keyin jurnalistlarga.

Bundan tashqari, paketga AQShda TikTok ijtimoiy tarmogʻini taqiqlash tashabbusi ham kiritilgan. Qonunchilar Xitoyning ByteDance kompaniyasiga ijtimoiy tarmoqni sotish uchun bir yil muddat berishni taklif qilmoqda, aks holda TikTok AQShda taqiqlanishi mumkin.