Afgʻoniston, Pokiston va BAA kuchli suv toshqinlaridan jabr koʻrdi
Afgʻoniston, Pokiston va BAAda kuchli yogʻingarchiliklar kuzatilmoqda. Pokistonda chaqmoq va jala tufayli 36 kishi, Afgʻonistonda esa 50 dan ortiq kishi halok boʻldi. Dubayda esa 1,5 kun ichida qariyb yillik yogʻingarchilik meʻʻyoridan 2 baravar koʻp yomgʻir yogʻdi. Oʻnlab parvozlar bekor qilindi, yuzlab reyslar kechiktirildi.
Afgʻoniston,
Pokiston va BAAda kuchli yogʻingarchiliklar kuzatilmoqda. Tabiiy ofat natijasida
halok boʻlganlar va jarohatlanganlar bor.
Pokiston
Pokistonda
kuchli chaqmoq va jala oqibatida kamida 36 kishi halok boʻldi.
Qurbonlarning
baʻʻzilari bugʻdoy oʻrayotgan dehqonlar boʻlib, ularni chaqmoq urgan. Boshqalar
esa kuchli yomgʻir tufayli qulab tushgan uylari vayronalari ostida halok boʻldi.
Rasmiylar yogʻingarchilik davom etishini bashorat qilib, mamlakat janubi-gʻarbida
favqulodda holat eʻʻlon qildi.
Ekolog Rafay Alam Pokistondagi noodatiy kuchli aprelʻ
yomgʻirining asosiy sababi sifatida iqlim oʻzgarishini koʻrsatmoqda. Shuningdek, u bu
hodisani 2022 yilning yozida sodir boʻlgan halokatli suv toshqinlari bilan
bogʻlaydi, oʻshanda tabiiy ofat 1700 dan ortiq odamning hayotiga zomin boʻlgan va mamlakatning
uchdan bir qismini suv bosgan
edi.
Afgʻoniston
Afgʻonistonda ham mavsumiy yomgʻirlar sabab kuchli suv
toshqinlari yuz berdi. Voqea sodir boʻlgan tabiiy ofatlar qishloq xoʻjaligi
hayvonlarining nobud boʻlishiga olib keldi, katta hajmdagi ekin maydonlari va yoʻl
infratuzilmasi vayron boʻldi.
“Yaqinda yogʻgan yomgʻir va suv toshqinlari natijasida 50 nafar
vatandoshimizni yoʻqotdik, yana 36 nafari jarohat oldi. Umuman olganda, ushbu suv
toshqinlari natijasida 400 boshga yaqin chorva mollari nobud boʻlgan, 706 ta uy quladi, yana 1606 ta uy
zarar koʻrgan”, — dedi vazirlik matbuot kotibi Janan Saek.
Mahalliy hokimiyat maʻʻlumotlariga koʻra, mamlakatning 34 ta viloyatidan 20 tasida suv toshqini
kuzatilgan.
Afgʻoniston meteorologiya departamenti maʻʻlumotlariga koʻra,
yaqin kunlarda Afgʻonistonning 34 viloyatining aksariyatida kuchli yomgʻir yogʻishi
kutilmoqda. Eng koʻp yogʻingarchilik Gʻazna, Kobul, Qandahor va Nangarhor viloyatlariga toʻgʻri keladi.
BAA
Dubayda
bir yarim kun ichida yillik yogʻingarchilik meʻʻyoridan ikki baravar koʻp yomgʻir yogʻdi.
Bir
kundan ortiq vaqtdan beri shaharda tinimsiz yogʻayotgan kuchli yomgʻir tufayli Dubay qariyb
suv ostida qoldi. Dubayda joylashgan dunyodagi eng yirik aeroportlardan biri parvozlarni
qabul qilishni toʻxtatdi.
Rasmiylar
aholini uylarini tark etmaslikka chaqirdi.
Mavzuga aloqador
-
Isroil tomonidan Gʻazo sektorida qatliom boshlanganiga 127 kun boʻldi. Oʻtgan kunning asosiy voqealari.
-
Shvetsiyada musulmonlarga va Islomga qarshi jinoyatlar soni ortib bormoqda. Bu kabi hodisalar butun mamlakat miqyosida keng tarqalgan boʻlib, masjidlarga hujum uyushtirish va hijobli ayollarni haqorat qilishdan tortib, ish joyida yoki jamiyatda Islomga qarshi soʻzlarni aytish kabilarda namoyon boʻlmoqda. “Afsuski, biz bunday ishlarga oʻrganib qolganmiz”, – deydi Bosniya islom uyushmasi aʻʻzosi Mirza Babovich (66). U eski namozxonlar zalida islomga qarshi ramzlar chizilgani, qurilish maydonchasiga choʻchqa qoldiqlari tashlab ketilgani va deraza oynalari sindirib ketilgani kabi holatlarni esga oldi.
