Xitoydan Oʻzbekistonga yangi yoʻnalish boʻyicha birinchi yuk poezdi etib keldi
Yangi yoʻnalish boʻyicha qatnovchi birinchi yuk poezdi Xitoydan Oʻzbekistonga etib keldi. Yoʻnalishning uzunligi 6250 kilometr boʻlib, ushbu masofani 12 kunda bosib oʻtdi.
Yangi yoʻnalish boʻyicha qatnovchi birinchi yuk poezdi Xitoydan
Oʻzbekistonga etib keldi. Bu haqda «Oʻztemiryoʻlkonteyner» kompaniyasi matbuot xizmati xabar berdi.
Xitoyning Jinxua shahridan yoʻlga chiqqan 50 ta konteyner, jumladan,
sanoat uskunalari va yigʻma yuklari ortilgan poezd Oʻzbekistonning Nazarbek stantsiyasiga muvaffaqiyatli
etib keldi.
Mazkur
yangi yoʻnalishning uzunligi 6250 kilometr boʻlib, poezd Qozogʻistonning
Oltinkoʻl bekati orqali bu masofani 12 kunda bosib oʻtdi. Ushbu reys yangi Jinxua -
Nazarbek yoʻnalishidagi birinchi reys boʻldi.
Kelgusida «Nazarbek» va «Urganch» stantsiyalari oʻrtasida qatnovchi
tezyurar konteyner poezdlari Oʻzbekistonning boshqa hududlariga ham yuklarni
etkazib berishda foydalaniladi. Buning uchun Oʻzbekiston temir yoʻllariga tegishli
maxsus platformalardan foydalaniladi.
Yangi temir yoʻl yoʻnalishining ochilishi Xitoy va Oʻzbekiston oʻrtasida
yuk tashishni sezilarli darajada tezlashtiradi va arzonlashtiradi, ikki davlat
oʻrtasidagi savdo-iqtisodiy aloqalarni mustahkamlashga yordam beradi.
Mavzuga aloqador
-
RF partiya rahbarlarining bunday oʻylamay bildirayotgan munosabatlari Oʻzbekiston va Rossiya oʻrtasidagi har tomonlama strategik sheriklik va ittifoqchilik ruhiga mos kelmasligi maʻʻlum qilindi.
-
2 mlrd dollar evaziga qurilgan ushbu "yashil" elektr stantsiyalari 2 mln xonadonga uzluksiz elektr tokini etkazib berishga qodir.
