Ukraina Gʻazoga 1000 tonna bugʻdoy uni yubordi
Ukraina «ZernoFromUA» insonparvarlik dasturi doirasida Falastinga 1000 tonna bugʻdoy yubordi. Mazkur yordam 100 mingdan ziyod falastinlik oilaning bir oylik ehtiyojini qoplaydi. Ukrainadan Gʻazoga navbatdagi gumanitar yuklar “yaqin oylarda” etkazilishi rejalashtirilgan.
Ukraina «ZernoFromUA»
insonparvarlik dasturi doirasida Falastinga 1000 tonna bugʻdoy yubordi. Bu haqda
Ukraina Tashqi ishlar vazirligi X platformasida xabar berdi.
“Mazkur
yuk ushbu tashabbus doirasida Ukrainadan Falastinga yuborilgan uchta yukning
birinchisidir. Bu bir oy davomida 101 mingdan ortiq falastinlik oilalarni
qoʻllab-quvvatlashga yordam beradi, — deyiladi Ukraina TIV bayonotida. — Biz
oziq-ovqat tanqisligi va ochlik xavfi ostida qolgan begunoh fuqarolarga hayotni
saqlab qolish uchun yordam koʻrsatmoqdamiz".
“Prezident
Vladimir Zelenskiyning «GrainFromUA» tashabbusi Jahon oziq-ovqat dasturi bilan
hamkorlikda Isroil va HAMAS oʻrtasidagi mojaro markazida qolib ketgan 100
mingdan ortiq oilaga oziq-ovqat yordami koʻrsatadigan uchta yukning birinchisini
Falastinga yubordi”, — deyiladi vazirlik press-relizida.
Ukrainadan
Gʻazoga navbatdagi gumanitar yuklar “yaqin oylarda” etkazilishi rejalashtirilgan.
Ukraina Estoniya, Norvegiya, Frantsiya va Islandiya koʻmagida 7 ming tonnadan ortiq
bugʻdoy unini Gʻazoga etkazib berishni oʻz oldiga maqsad qilib qoʻygan.
Mavzuga aloqador
-
G7 davlatlari Rossiyaning muzlatib qoʻyilgani aktivlarini musodara qilish boʻyicha muzokaralarni boshladi.
-
Harbiy yordam paketi erdan havoga raketa sistemalari, Stinger raketalari, artilleriya oʻq-dorilari, tankka qarshi vositalar va boshqalarni oʻz ichiga oladi.
