Rossiyada italiyalik jurnalistlarga nisbatan jinoiy ish qoʻzgʻatilishi mumkin
Rossiya Tashqi ishlar vaziriligi Ukraina qoʻshinlari bilan Kursk viloyatining Suja shahriga kelgan italiyalik telejurnalistlarga nisbatan Jinoyat kodeksining davlat chegarasini noqonuniy kesib oʻtish moddasi bilan jinoyat ishi qoʻzgʻatilishi mumkinligini maʻʻlum qildi. Shu munosabat bilan Italiyaning RFdagi elchisi Rossiya TIVga chaqirildi.
Ukraina
harbiylari bilan Sujaga kelgan va shahardan reportajni suratga olgan italiyalik
jurnalistlar Rossiyada chegarani noqonuniy kesib oʻtganlik uchun jinoiy ish ochmoqda.
Shu sababli Italiyaning Rossiyadagi elchisi Sesiliya Pikchioni
Rossiya Tashqi ishlar vazirligiga chaqirilib, unga Kursk viloyati hududiga ruxsatsiz
kirgan Italiya telekanali guruhining harakatlari tufayli “qattiq norozilik”
bildirilgan.
TIV jurnalistlarning xatti-harakatlari jinoiy javobgarlikka
tahdid solayotganini qayd etdi.
“Italiyalik
muxbirlar Rossiya qonunchiligi va jurnalist etikasining asosiy qoidalarini qoʻpol
ravishda buzgan holda Rossiya hududida boʻlishlaridan Ukraina jinoyatlarini tashviqot
qoʻllab-quvvatlashini oqlash uchun foydalanganlar”, - deya taʻʻkidladi Rossiya TIV.
Rossiya Tashqi ishlar vazirligi jurnalistlar Rossiya hududiga
noqonuniy kirganini taʻʻkidladi. Ularga nisbatan Jinoyat kodeksining 322-moddasi
(davlat chegarasini noqonuniy kesib oʻtish) boʻyicha jinoiy ish qoʻzgʻatilishi mumkin..
Mavzuga aloqador
-
Ukraina prezidenti Vladimir Zelenskiy ukrain qoʻshinlari Rossiyaning Kursk viloyati hududidagi operatsiyasi davom etayotgani, 6 avgustdan buyon RF hududidagi 74 ta aholi manzilini oʻz nazoratiga olganini maʻʻlum qildi. Ukrain armiyasi maʻʻlumotlariga koʻra, soʻnggi 24 soat ichida Ukraina qurolli kuchlari turli yoʻnalishlarda 1 kilometrdan 3 kilometrgacha oldinga siljigan.
-
Ukraina “qonuniy tartibni saqlash va aholining ustuvor ehtiyojlarini taʻʻminlash” maqsadida Rossiyaning Kursk viloyati hududida harbiy komendatura tashkil etdi. Shuningdek, Kurskda “bufer hudud” barpo etish rejasi maʻʻlum qilinib, insonparvarlik yordamiga muhtoj yoki Ukrainaga koʻchib oʻtishni istagan rossiyaliklarga telefon yoki elektron pochta orqali bogʻlanish aytildi.
