Исроил ОАВ: ҲАМАС Ғазо секторида яна ҳокимиятни қўлга киритди
ҲАМАС ҳаракати Ғазо секторининг шимолий ва марказий қисмларида давлат хизматларини кўрсатишни қайтадан бошлади. Бу ҳақда Исроилнинг “КАН” давлат телевидениеси исм-шарифлари ошкор этилмаган икки мансабдор шахсга таяниб хабар берди.
ҲАМАС
Исроил армияси томонидан ташлаб кетилган ҳудудларда фуқаролик бошқаруви устидан
ҳокимиятни тиклади, дейди расмийлар.
Уруш каби фавқулодда вазиятлар учун тузилган фавқулодда
қўмиталар билан бир қаторда, аввалроқ ХАМАС назоратида бўлган муниципал
идоралар шимолий ва марказий ҳудудларда ўз фаолиятини қайта бошлагани хабар
қилинган.
Исроил Ғазодаги урушдан мақсад ҲАМАСни йўқ қилиш ва асирларни қайтариш
эканини бир неча бор таъкидлаганига қарамасдан, 7 октябрдан бери давом этаётган урушда шу
пайтгача бу мақсадларнинг бирортасига эришолмади.
.png)
Мавзуга алоқадор
-
Туркия ташқи ишлар вазири Ҳоқон Фидан Фаластиннинг ҲАМАС ҳаракати Сиёсий бюроси раиси Исмоил Ҳания билан учрашди. Томонлар Ғазо секторида сулҳни тезроқ ўрнатиш имкониятлари, Фаластин анклавига инсонпарварлик ёрдами ҳажмини ошириш ва маҳбусларни озод қилиш масалаларини муҳокама қилди.
-
“Ақсо тўфони” бошланганидан сўнг исроилликларнинг ҲАМАСни тор-мор этиш ҳақидаги ҳайқириқлари авж олди ва уларга ғарбнинг йирик давлатлари ҳам қўшилди. Уларнинг мақсади Ғазо секторидаги ҲАМАС бошқарувини тугатиш ва Фаластин ҳукумати қарорларини қабул қилишда унинг таъсирини йўқотиш эди. Бу ҳаракатлар ҲАМАСни дунё халқлари олдида террор ташкилот сифатида гавдалантириш, шунингдек уни Яқин Шарқдаги тинчлик ва осойишталикка ҳалал берадиган ягона тўсиқ қилиб кўрсатиш, араб мамлакатларининг ташқи алоқалари, хавфсизлиги учун таҳдид этиб намоён қилиш ташвиқотлари билан бошланди. Демак, уларнинг фикрича, ҲАМАС барча муаммонинг сабабчиси, ҲАМАСнинг йўқ қилиниши минтақадаги тинчликка олиб борадиган ягона йўл.
