Isroil HAMASning harbiy qanoti etakchisi Muhammad ad-Dayf oʻldirilganini eʻʻlon qildi
Isroil
armiyasi 13 iyulʻ kuni Gʻazo sektoridagi xavfsizlik zonasiga uyushtirilgan hujum
natijasida Falastinning HAMAS harakatining harbiy qanoti Izziddin al-Qassam
brigadasi etakchisi Muhammad ad-Dayfning oʻldirilganini eʻʻlon qildi. HAMAS ushbu xabarlarga
izoh berganicha yoʻq. "Arvoh qoʻmondon" – Ad-Dayf kim?
Isroil mudofaa
vaziri Yoav Galant Ad-Dayfning Isroil armiyasi va ichki razvedka xizmati
tomonidan uyushtirilgan suiqasdda oʻldirilganini aytdi. HAMAS hozircha ushbu
xabarlarga izoh bergani yoʻq.
13 iyulʻ
kuni Isroil harbiy-havo kuchlari Gʻazo sektoridagi Xon Yunus shahri gʻarbidagi Al-Mavazi
hududiga yirik zarbalar berdi. Isroil armiyasi avvalroq «xavfsiz» deb eʻʻlon
qilgan hududga havo hujumi natijasida 90 nafar falastinlik, ularning yarmi
ayollar va bollar, halok boʻldi, yuzlab insonlar yaralandi.
Isroil
armiyasi Ad-Dayf va HAMASning Xon Yunus shahridagi harbiy qanoti rahbari Rafi Salam
hujum nishonlari boʻlganini bildirdi.
HAMAS
Ad-Dayfa oʻldirilgani haqidagi xabarlarni rad etib, Isroil Gʻazoda tinch aholiga
qarshi sodir etilgan jinoyatlarni yashirish uchun harakatning jangarilar qanoti
etakchilari nomidan foydalanayotganini aytdi.
Isroil ommaviy axborot vositalari uchun "Arvoh
qoʻmondon": Ad-Dayf
Ad-Dayf 1956 yilda Xon Yunusdagi qochqinlar lagerlaridan
birida tugʻilgan. 1987 yilda u oʻsha paytda endigina shakllanayotgan Falastin
qarshilik harakati HAMASga
qoʻshildi.
1989 yilda Isroil armiyasi Gʻazo sektoriga uyushtirilgan yirik
hujumlar paytida Ad-Dayfani hibsga oldi va sudsiz 16 oy panjara ortida ushlab
turdi.
Ad-Dayf ozod boʻlganidan keyin Izziddin Al-Qassam brigadalari
safida Isroilga qarshi koʻplab qurolli harakatlarni amalga oshirdi.
Muhammad Ad-Dayf – HAMAS harbiy qanotining asoschilaridan
biri va taniqli rahbarlaridan.
Isroil Ad-Dayfani oʻldirish uchun Gʻazo sektoriga etti marta hujum uyushtirdi, biroq
maqsadiga erisha olmadi. Oʻqqa tutilishi natijasida faqat tinch aholi halok boʻldi.
2014 yilda eksklavga uyushtirilgan yirik hujumlar paytida
Isroil Ad-Dayfa oʻldirilgani haqida xabar bergan, ammo bu xabarlar asossiz boʻlib
chiqdi. Keyinchalik
Isroil ommaviy axborot vositalari Ad-Dayf haqida "arvoh qoʻmondon" deb yozishni boshladi.
Isroil xavfsizlik agentligi Ad-Dayfni qoʻlga olish uchun jadal
harakatlar olib borayotganini tan oldi.
Mavzuga aloqador
-
Turkiya tashqi ishlar vaziri Hoqon Fidan Falastinning HAMAS harakati Siyosiy byurosi raisi Ismoil Haniya bilan uchrashdi. Tomonlar Gʻazo sektorida sulhni tezroq oʻrnatish imkoniyatlari, Falastin anklaviga insonparvarlik yordami hajmini oshirish va mahbuslarni ozod qilish masalalarini muhokama qildi.
-
“Aqso toʻfoni” boshlanganidan soʻng isroilliklarning HAMASni tor-mor etish haqidagi hayqiriqlari avj oldi va ularga gʻarbning yirik davlatlari ham qoʻshildi. Ularning maqsadi Gʻazo sektoridagi HAMAS boshqaruvini tugatish va Falastin hukumati qarorlarini qabul qilishda uning taʻʻsirini yoʻqotish edi. Bu harakatlar HAMASni dunyo xalqlari oldida terror tashkilot sifatida gavdalantirish, shuningdek uni Yaqin Sharqdagi tinchlik va osoyishtalikka halal beradigan yagona toʻsiq qilib koʻrsatish, arab mamlakatlarining tashqi aloqalari, xavfsizligi uchun tahdid etib namoyon qilish tashviqotlari bilan boshlandi. Demak, ularning fikricha, HAMAS barcha muammoning sababchisi, HAMASning yoʻq qilinishi mintaqadagi tinchlikka olib boradigan yagona yoʻl.
