Ғазо: Бомбардимонлар оқибатида 30 дан ортиқ исроиллик маҳбус ҳалок бўлди
Тел-Авив Ғазо секторида гаровга олинганларнинг камида бешдан бир қисми бомбардимонлар оқибатида ҳалок бўлганини тасдиқлади. Бу ҳақда New York Times Исроил разведка манбаларига таяниб хабар бермоқда.
Хавфсизлик хизматлари шахси аниқланган 32 кишининг ўлимини
тасдиқлаган ва бу ҳақда уларнинг оила
аъзоларига хабар берган.
Шунингдек, хавфсизлик кучларига кўра, яна 20 га яқин одам ўлган бўлиши мумкин. Аммо бу маълумот
текширилиши керак.
Қайд
этилишича, гаровга олинганларни озод қилиш масаласи Исроил жамиятини
иккига бўлди. Ҳибсга олинганларнинг оилалари ҳарбий ҳаракатларни тўхтатиш ва
асирларни алмашишни талаб қилмоқда. Бироқ Нетаняху ва унинг тарафдорлари
гаровга олинганлар тақдиридан қатъи назар, ҲАМАС бутунлай йўқ қилинмагунча уруш олиб бориш зарур, деб
ҳисоблайди.
Аввалроқ Anadolu
Фаластиндаги манбаларига таянган ҳолда ҲАМАС уч босқичли сулҳ режасини қабул
қилганини билдирди. Унга кўра, ҳар бир босқич 45 кундан иборат бўлади.
.png)
Мавзуга алоқадор
-
Туркия ташқи ишлар вазири Ҳоқон Фидан Фаластиннинг ҲАМАС ҳаракати Сиёсий бюроси раиси Исмоил Ҳания билан учрашди. Томонлар Ғазо секторида сулҳни тезроқ ўрнатиш имкониятлари, Фаластин анклавига инсонпарварлик ёрдами ҳажмини ошириш ва маҳбусларни озод қилиш масалаларини муҳокама қилди.
-
“Ақсо тўфони” бошланганидан сўнг исроилликларнинг ҲАМАСни тор-мор этиш ҳақидаги ҳайқириқлари авж олди ва уларга ғарбнинг йирик давлатлари ҳам қўшилди. Уларнинг мақсади Ғазо секторидаги ҲАМАС бошқарувини тугатиш ва Фаластин ҳукумати қарорларини қабул қилишда унинг таъсирини йўқотиш эди. Бу ҳаракатлар ҲАМАСни дунё халқлари олдида террор ташкилот сифатида гавдалантириш, шунингдек уни Яқин Шарқдаги тинчлик ва осойишталикка ҳалал берадиган ягона тўсиқ қилиб кўрсатиш, араб мамлакатларининг ташқи алоқалари, хавфсизлиги учун таҳдид этиб намоён қилиш ташвиқотлари билан бошланди. Демак, уларнинг фикрича, ҲАМАС барча муаммонинг сабабчиси, ҲАМАСнинг йўқ қилиниши минтақадаги тинчликка олиб борадиган ягона йўл.
