The Trump Organization Dubay va Jiddada osmonoʻpar binolar quradi
The Trump Organization Saudiya Arabistonining Dar Global qurilish kompaniyasi bilan Dubayda (BAA) osmonoʻpar bino qurish boʻyicha kelishuvni imzoladi. Trump Tower Dubai deb nomlanadigan mazkur binoda Trump mehmonxonasi va turar-joy majmuasi ham oʻrin oladi.
Payshanba
kuni The Trump Organization Saudiya Arabistonining Dar Global qurilish kompaniyasi
bilan BAAning ishbilarmonlik markazi hisoblangan Dubayda koʻp qavatli bino qurish
boʻyicha hamkorlik shartnomasini eʻʻlon qildi.
Dar
Global xabariga koʻra, Trump Tower Dubai "Dubayning oliy (elita) darajadagi
bozori"ni moʻljalga oladi. Uning joylashuvi va dizayni esa yil oxirigacha
maʻʻlum boʻladi.
Dar Al
Arkan qurilish kompaniyasining xalqaro shoʻʻʻba korxonasi hisoblangan Dar Global maʻʻlumotlariga
koʻra, osmonoʻpar bino Trump mehmonxonasi va turar-joy majmualarini oʻz ichiga
oladi.
Dubaydagi
qurilish haqida Dar Global Saudiyaning qirgʻoq boʻyidagi Jidda shahrida koʻp qavatli
minora qurish boʻyicha The Trump Organization bilan boshqa bir kelishuvni eʻʻlon
qilganidan ikki hafta oʻtgach paydo boʻldi.
AQShning
sobiq prezidenti Donalʻd Tramp 2017 yilda prezidentlikka kelganidan soʻng oʻz
koʻchmas mulk imperiyasini boshqarishni oʻgʻillariga ishonib topshirgan, biroq oʻzi The
Trump Organization dagi ulushini saqlab qolgan.
Bu yilgi
prezidentlik saylovlarida Respublikachilar partiyasidan nomzod boʻlgan Tramp
prezidentlik davrida Fors koʻrfazidagi arab davlatlari bilan yaqin aloqalarni
davom ettirdi va ilk xorijga safari uchun Saudiya Arabistonini tanladi.
"Biz
Dubaydagi mashhur Trump Tower ishga tushirilishi bilan mintaqadagi ishtirokimizni
yanada kengaytirishdan faxrlanamiz", dedi Trump Organization ijrochi
vitse-prezidenti va sobiq prezidentining oʻgʻli Erik Tramp oʻz bayonotida.
Mavzuga aloqador
-
AQShning sobiq prezidenti Tramp qayta saylansa, “muhojirlarni deportatsiya qilish”ga vaʻʻda berganini yana bir bor takrorladi.
-
AQSh tarixida birinchi marta Konstitutsiyaning “gʻalayon va isyon” moddasi prezidentlikka nomzodning poygada qatnasha olmasligiga sabab sifatida qoʻllanildi.
