Tojikiston Rossiyaga norozilik bildirdi
Tojikiston Tashqi ishlar vazirligi Rossiyaning Dushanbedagi elchisi Semyon Grigorʻevga Tojikiston fuqarolarining Rossiyadagi huquqlari poymol etilishiga qarshi norozilik notasini topshirdi.
Tojikiston Tashqi ishlar vazirligi Rossiyaning Dushanbedagi elchisi Semyon Grigorʻevga Tojikiston fuqarolarining RFdagi huquqlari poymol etilishiga qarshi norozilik notasini topshirdi. Bu haqda Tojikiston TIV xabarida aytiladi.
Rossiyalik diplomatga RF hududida Tojikiston fuqarolariga nisbatan “qatʻʻiy salbiy munosabat”ning ommaviy namoyon boʻlishi, shuningdek, ularning huquq va erkinliklari keng miqyosda buzilishi holatlaridan jiddiy xavotir bildirilgan.
“Notada taʻʻkidlanishicha, bunday harakat faqat Tojikiston fuqarolariga nisbatan qoʻllaniladi, bu tojik-Rossiya munosabatlari ruhi va anʻʻanalariga tubdan mos kelmaydi”, — deya taʻʻkidladi Tojikiston TIV.
Eslatib oʻtamiz, soʻnggi vaqtlarda Rossiya chegaralari va aeroportlarida minglab Tojikiston fuqarolarining mamlakatga kirishiga cheklovlar oʻrnatilmoqda. Ular orasida Rossiya hukumati hisobiga tahsil olayotgan tojikistonlik talabalar ham bor.
Mavzuga aloqador
-
Yuzlab tojikistonliklar bir necha kundan buyon Rossiya-Qozogʻiston davlat chegaralari oʻrtasidagi betaraf hududda qolib ketmoqda. Rus chegarachilari tizimda nosozlik roʻy berganini aytib, ularni ortga qaytarmoqda, ayni paytda bolalar, 60 yoshdan oshganlar va boshqa davlatlar fuqarolarini oʻtkazib yubormoqda. Ortga qaytmoqchi boʻlganlardan esa qozoq chegarachilari Rossiyaga kiritilmagani toʻgʻrisida hujjat talab qilib, oʻtkazmayapti.
-
Mingga yaqin Tojikiston fuqarosi Moskvaning bir qancha aeroportida qolib ketmoqda. Ular orasida Rossiya hukumati hisobidan tahsil olayotgan tojik talabalari ham bor. Uzoq kutishlardan soʻng ularning bir qismi – 322 nafari RF hududiga kiritilgan boʻlsa, 306 nafarini mamlakatdan chiqarib yuborish rejalashtirilgan. Tojikiston TIV fuqarolarni Rossiyaga safar qilishdan tiyilishga chaqirmoqda.
