Erondagi aeroport yaqinida kuchli portlash boʻlgani aytilmoqda
Zohidon shahri
Eron janubi-sharqidagi Zohidan shahri (Siston va Balujiston viloyati) xalqaro aeroporti yaqinida kuchli portlash ovozi eshitilgan. Bu haqda fors Telegram-kanallari xabar bermoqda.
Hozircha portlashga nima sabab boʻlgani va qurbonlar bor-yoʻqligi nomaʻʻlum. Eron rasmiylari ham bu vaziyatga izoh bermagan.
Taʻʻkidlash joizki, sunniy balujlar istiqomat qiladigan Siston va Balujiston viloyati Erondagi eng yirik norozilik markazi boʻlib, tez-tez aksilhukumat namoyishlari va xavfsizlik kuchlariga qarshi toʻqnashuvlar bilan ajralib turadi.
Shu bois ham Eron parlamenti mazkur hududni turli nomdagi 4 ta viloyatga boʻlish taklifini muhokama qilayotgan edi. Shuningdek, 10 million odamni koʻchirish hamda Siston va Balujiston qirgʻoqlarini boshqa viloyatlarga oʻtkazish masalalari ham koʻrib chiqilyapti.
Mavzuga aloqador
-
Islom inqilobi qoʻriqchilari korpusi Pokistonning Eron bilan chegaradosh Balujiston viloyatida joylashgan “Jaysh al-Adl” (“Adolat armiyasi”) terrorchilik guruhining asosiy bazasiga ballistik raketa va uchuvchisiz samolyotlar yordamida hujum uyushtirdi. Pokiston tomoni bu hujumni mamlakat havo hududini asossiz buzish deb atadi va 2 bolaning halok boʻlgani, 3 bola jarohatlanganini maʻʻlum qildi.
-
Eron tomonidan Pokiston hududiga raketa zarbalari berilgani ortidan Islomobod Tehrondagi elchisini chaqirib oldi. Pokiston razvedkasidagi manba ushbu hujumga javob berishning barcha imkoniyatlari koʻrib chiqilayotganini maʻʻlum qildi.
