Bombalanayotgan Gʻazo: 280-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 280 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️Bosqinchilar Nuseyrat, Xon Yunis va Rafah lagerlariga hujum qildi. 24 soat ichida 50 kishi halok boʻldi. Urush boshlanganidan buyon 38345 kishi shahid boʻldi, 88295 nafari yaralandi.

▪️Al-Qassam brigadalari: Ishgʻolchilarning Nitsarim oʻqidagi pozitsiyalarini bombardimon qildik va Tal al-Hava hududida Merkava tanklarini yoʻq qildik.

▪️Husiylar: Gʻazoni qoʻllab-quvvatlash amaliyotlari boshlanganidan beri 166 ta kemaga hujum qildik.

▪️Isroil mudofaa vaziri Yoav Gallant rahbarlik lavozimlarida ishlagan har bir shaxs, jumladan oʻzi, bosh vazir Benyamin Netanyaxu va yuqori martabali harbiy amaldorlar 7 oktyabrdagi hujumlar va ularning oqibatlari bilan bogʻliq holda tergov qilinishi kerakligini aytdi.

▪️Bayden Gʻazodagi vaqtinchalik bandargoh demontaj qilinishi haqida: “Baʻʻzi gʻoyalarim muvaffaqiyatli chiqmaganidan xafaman. Loyiha yanada muvaffaqiyatli boʻlishiga umid qilgandim”.

▪️Erdogʻan: Turkiya NATO doirasida Isroil bilan hamkorlik qilmaydi.

▪️BMT: Gʻazo bolalarning butun bir avlodini yoʻqotish arafasida.

▪️Suriyadan raketalar otilganidan soʻng Golanda yongʻinlar boshlandi.

Mavzuga aloqador

Eng ko‘p o‘qilgan

Tavsiya qilingan