Туркия парламентида асли ўзбекистонлик депутатнинг нутқи эътиборга сазовор бўлди
7 май куни Туркия Республикаси Парламенти (ТБММ) ялпи йиғилишида ўзини нафақат Яхши партия вакили сифатидагина эмас, балки ота-боболари Фарғона вилоятидан келган ўзини туркистонлик деб атаган Буғро Қовунчининг нутқи катта эътибор тортди. Бу ҳақда Vatandosh TV хабар берди.
Буғро Қовунчи нутқида боболарининг «босмачилик» ҳаракатига қўшилиб совет босқинига қарши мустақилликни ҳимоя қилган авлод вакили эканини айтган.
У Туркия ва Ўзбекистон тақдир ва келажагини бирга қурадиган миллатлар эканлигини таъкидлаган. Б.Қовунчи ўз нутқида сўнгги йилларда бир неча миллион суриялик қочқинларни ўз бағрига олган Туркияда тили турк, маданияти турк, тарихи турк бўлган ва яхши ниятда келган қардош миллатларнинг келишидан норозилик ҳис этилишини кескин қоралади.
Туркия Жумҳуриятини илк бошда Ўзбекистон, қолаверса барча туркий халқлар билан бирга бўлишга чақирди.
“Бугун Ғарбнинг Флоренциясига қарши Самарқанд ва Буҳорони қўйишга мажбурмиз. Бугун Алишер Навоийни, Хоразмийни, Фарғонийни, Берунийни бутун дунёга бу ота-боболаримизни ким эканлигини биргаликда кўрсатишимиз давр тақозосидир. Туркиянинг Ўзбекистон ҳукумати билан имзоланган стратегик ҳамкорлик бўйича шартномани моддама-модда қўллаб қувватлаймиз”, деди депутат.
У турк тадбиркорларини Ўзбекистон иқтисодиётига кўпроқ инвестиция киритишга, Афғонистон билан чегара яқинида ташкил этилаётган эркин савдо ҳудудида фаол савдо ишларини йўлга қўйишга чақирди.
Хусусий турк-ўзбек университетини очиш орқали илмий-маданий соҳада алоқаларининг ривожланишига олиб келиши таъкидланди.
.png)
Мавзуга алоқадор
-
Имом Бухорийнинг «Биррул волидайн» (Ота-онага яхшилик қилиш) асари илк бор араб тилидан ўзбек тилига таржима қилинди. Китобда фарзанд тарбияси, амалларнинг афзали – ота-онага яхшилик қилиб, ҳурмат кўрсатиш, уларнинг дуоларини олиш, ота-онанинг фарзанди ҳаққига қилган дуоси мустажоб бўлиши ва силаи раҳм фазилати, қариндошларга яхшилик қилиш каби мавзулардаги 76 та ҳадис жамланган.
-
Шинжон-Уйғур автоном райони Халқ ҳукумати раиси Эркин Тунияз Ўзбекистонга ташриф буюриб, президент Шавкат Мирзиёев ва бош вазир Абдулла Арипов билан учрашди. Учрашувларда Ўзбекистон ва Хитой ўртасидаги савдонинг 10 фоизи ШУАР ҳиссасига тўғри келиши, ушбу ҳудуд билан ҳамкорликдаги инвестиция лойиҳалари портфели 3,5 млрд долларни ташкил этиши маълум қилинди.
