Тошкент ҳавосини ифлослантираётган 160 та корхонага огоҳлантириш берилди
Тошкентнинг Чилонзор, Сергели ва Янгиҳаёт туманларида атроф-муҳитга таъсир кўрсатувчи корхоналар фаолияти юзасидан экологик мониторинг ўтказилди. Экология, атроф-муҳитни муҳофаза қилиш ва иқлим ўзгариши вазирлиги ушбу тадбирлар атмосфера ҳавосининг ифлосланиш даражаси ортиб бораётгани туфайли ўтказилганини маълумқилди.
Мониторинг давомида Чилонзор туманида жойлашган атроф-муҳитга таъсир кўрсатишнинг I ва II тоифасига мансуб 70 та корхонага, жумладан, бетон, ун маҳсулотлари, керамика ва кафель, мато-газлама ва бошқа маҳсулотлар ишлаб чиқарадиган корхоналарга чанг-газ тозалаш ускуналарини ўрнатиш тўғрисида огоҳлантириш хатлари берилди. Сергели туманида 68 та, Янгиҳаёт туманида эса 22 атроф-муҳитга таъсир кўрсатишнинг I ва II тоифасига мансуб 68 та корхона чанг-газ тозалаш ускуналари ўрнатиш тўғрисида огоҳлантирилган.
Шунингдек, 2024 йил 12 январь ҳолатига Тошкентда жойлашган 42 та корхона томонидан чора-тадбирлар режаси тақдим этилган. Шундан атмосфера ҳавосини муҳофаза қилиш бўйича 75 та тадбир белгиланган.
Швейцариянинг IQAir компанияси Ўзбекистон пойтахтидаги 9 та (3 таси ҳукумат, 2 та нодавлат, 2 та юридик ва 2 та жисмоний шахсларга тегишли) станция маълумотларига таяниб, 22 январь ҳолатида Тошкент атмосферасидаги РМ2,5 концентрацияси (ўлчами 0,001 дан 2,5 микрометргача бўлган майда заррачалар) 125 га (бир метр кубда 45,3 микрограмм) тенг эканини кўрсатди. ЖССТ тавсияси эса йиллик 5 мкг/м3, кунлик эса 15 мкг/м3 ни ташкил этади. Шунга кўра, Тошкент ҳавоси айни пайтда 9 баравар ифлосланган. Шаҳарнинг айрим қисмлари, масалан, халқаро аэропорт яқинида бу кўрсаткич 172 ни (97 мкг/м3) ташкил этмоқда.
Худди шу вақтда РМ2,5 концентрацияси Истанбулда (Туркия) 21, Пекинда (Хитой) 33, Сеулда (Жанубий Корея) 67, Москвада (Россия) 41, Парижда (Франция) 42 ни ташкил этмоқда.
.png)
Мавзуга алоқадор
-
Президент топшириғига кўра, «Тошкент Қуръони» номи билан машҳур бўлган Усмон мусҳафини консервация ва реставрация қилиш режалаштирилган. Ушбу китоб Тошкентдаги Ўзбекистон мусулмонлари идорасининг «Мўйи Муборак» мадрасасидаги музей-кутубхонасида сақланмоқда. Қўлёзма учинчи халифа Усмон ибн Аффон топшириғи билан VII асрда ҳижоз ёзувида қайта ёзилган.
-
Ўзбекистон Жаҳон тиллари университетининг 2-босқич талабаси бўлган 20 ёшли йигит Тошкентдаги Исроил элчихонаси ёнига бориб, уни ёқиб юбориш мақсадида девор оша ичкарига керосин солинган шиша улоқтирган. Одамларга ёки элчихонага зарар етказиш ниятим бўлмаган, фақатгина Исроил давлати Фаластиндаги шифохонага бомба ташлагани учун норозилик билдирмоқчи бўлдим. Содир этган ҳаракатларим нотўғри эканини тушуниб етдим”, деган суддаги кўрсатмасида.
