BAA Durov hibsga olingani tufayli Frantsiya bilan yirik kelishuvni muzlatib qoʻygani aytilmoqda
Germaniyalik tadbirkor va va faol Kim Dotkom Durov hibsga olinganining ertasiga Frantsiya katta yoʻqotishlarga uchrash xavfi ostida qolganini maʻʻlum qildi. Uning soʻzlariga koʻra, BAA 80 ta yangi avlod Rafale qiruvchi samolyotlarini sotib olish boʻyicha 17 milliard dollarlik bitimni muzlatishga qaror qilgan.
Telegram asoschisi
Pavel Durovning hibsga olinishi Frantsiya bilan koʻp milliard dollarlik kelishuvni
xavf ostiga qoʻydi. Bu haqda germaniyalik tadbirkor va faol Kim Dotkom X
(sobiq Twitter) ijtimoiy tarmogʻida maʻʻlum qildi.
Taʻʻkidlanishicha,
Pavel Durovning hibsga olinishi tufayli Frantsiya hukumati katta moliyaviy
yoʻqotishlarga uchrashi mumkin.
Tadbirkorning
soʻzlariga koʻra, Durov hibsga olinganining ertasiga Frantsiya katta
yoʻqotishlarga uchrash xavfi
ostida qolgan. BAA 80 ta yangi avlod Rafale qiruvchi samolyotlarini sotib
olish boʻyicha yirik bitimni muzlatishga qaror qilgan. Shartnoma 17 milliard dollarga
baholangan boʻlib, uning yoʻqotilishi Frantsiya iqtisodiyotiga jiddiy zarba berishi
mumkin. Dotsom,
shuningdek, Pavel Durov BAA fuqarosi va bosh vazir oʻrinbosari Hamdan Al
Maktumning yaqin doʻsti ekanligini taʻʻkidladi.
Kim Dotkom shuningdek, Durov ozod qilinmaguncha Frantsiyani
boykot qilishga chaqirdi.
Avvalroq
BAA Tashqi ishlar vazirligi Frantsiyada hibsga olingan oʻz fuqarosi Pavel Durovga
barcha konsullik xizmatlarini zudlik bilan koʻrsatish va Parijga tegishli soʻrov
yuborishga tayyorligini bildirgandi.
Telegram asoschisi
2021 yilda Birlashgan Arab Amirliklari (BAA) fuqaroligini olgan. Shunday
qilib, Durov bir vaqtning oʻzida toʻrtta davlat fuqarosi boʻldi - Rossiya, Karib
dengizi orollarida joylashgan Sent-Kits va Nevis davlati, Frantsiya va BAA.
2021 yilning fevralʻ oyida Durov Dubay valiahd shahzodasi
shayx Hamdan bin Muhammad bin Rashid al-Maktum bilan ham uchrashgan. Shayx BAA bosh
vazirining oʻgʻli.
Eslatib oʻtamiz, Pavel Durov Durov oʻz samolyotida etib kelgan
Frantsiyaning Le Burje aeroportida qoʻlga olingan edi. U Frantsiyada 12 ta jinoyatda ayblanmoqda.
Frantsiya
huquq-tartibot idoralari Telegram xabarlashmasini jinoyatchilik uchun zamin deb
biladi. Durovni kontentlarni qatʻʻiy moderatsiya qilish, shuningdek, giyohvand
moddalar tarqatish va firibgarlikda gumon qilingan foydalanuvchilar haqidagi
maʻʻlumotlarni oshkor qilishda rasmiylar bilan hamkorlik qilishdan bosh tortganlikda
ayblamoqda.
Mavzuga aloqador
-
Frantsiya hukumati Telegram asoschisi Pavel Durovni hibsda saqlash muddatini 96 soatgacha (4 kun) uzaytirdi. Durov firibgarlik, giyohvand moddalar savdosi, kiberbulling, uyushgan jinoyatchilik va terrorizm tashviqoti kabi jinoyatlarda gumonlanmoqda. Telegram ushbu ayblarni rad etdi.
-
BAA TIV Frantsiyada olingan oʻz fuqarosi Pavel Durovga barcha konsullik xizmatlari zudlik bilan koʻrsatish va Parijga tegishli soʻrov yuborishga tayyorligini bildirdi. Telegram asoschisi bir vaqtning oʻzida toʻrt davlat – Rossiya, Frantsiya, BAA hamda Karib dengizidagi Sent-Kits va Nevis davlati fuqarosi hisoblanadi.
