Isroil Gʻazodagi maktabni bombardimon qildi: kamida 100 qurbon
Isroil armiyasining Gʻazo shahridagi koʻchirilganlar boshpana topgan maktabga uyushtirgan hujumi oqibatida kamida 100 nafar falastinlik halok boʻldi, oʻnlab kishilar yaralandi.
Falastinning WAFA axborot agentligi xabariga koʻra, Isroil armiyasi Gʻazo sharqidagi Ed-Derak tumanida koʻchirilganlar boshpana topgan Et-Tabiin maktabiga hujum qildi.
Minglab odamlar boshpana topgan maktabda bomdod namozini oʻqiyotgan paytda sodir boʻlgan hujumda kamida 100 kishi halok boʻldi, oʻnlab kishilar tan jarohati oldi.
Mahalliy manbalarning qayd etishicha, jasadlar hujum tufayli parchalarga boʻlingan va yongʻin tufayli yonib ketgan. Fuqarolik mudofaa guruhlari atrofga sochilib ketgan jasad qismlarini toʻplashda qiynalgani bildirildi.
Isroil armiyasi havo kuchlari HAMAS Tabin maktabidan shtab-kvartira sifatida foydalanganini iddao qildi.
Mavzuga aloqador
-
"Rossiya xalq drujinasi" millatchi tashkiloti faollari Novosibirskdagi dorixonalardan birining sotuvchisidan roʻmolini echishni talab qilmoqda. Millatchilarning fikricha, roʻmol radikal islom bilan bogʻliq boʻlib, pravoslav nasroniylarning diniy tuygʻularini kamsitadi va millatlararo adovatni qoʻzgʻatadi.
-
Ispaniya tashqi ishlar vaziri Xose Manuel Albares mamlakati Gʻarbiy Sohildagi “12 tajovuzkor isroillik koʻchmanchilardan iborat birinchi guruh”ga qarshi sanktsiya jarayonini boshlaganini maʻʻlum qildi. “Sukut va harakatsizlik har doim jabrdiydalarning zarariga ishlaydi”, dedi musulmon davlatlarda yoʻq jurʻʻat va irodani namoyon etayotgan Ispaniya vakili.
