Isroil Gʻazo shimolida 70 dan ortiq tibbiyot xodimini hibsga oldi
Isroil harbiylari Gʻazo sektori shimolidagi Jabaliya shahrida joylashgan Kamal Advan shifoxonasining 70 dan ortiq tibbiyot xodimini hibsga oldi. Ushbu kasalxona hududdagi faoliyat koʻrsatayotgan soʻnggi tibbiyot muassasasi boʻlib qolmoqda.
"Koʻplab tibbiyot xodimlari hibsga olinib, nomaʻʻlum
manzilga olib ketilgan, 70 dan ortiq tibbiyot xodimlari", - dedi klinikaning
pediatriya boʻlimi boshligʻi doktor Hossam Abu-Safiya.
Gʻazo Sogʻliqni saqlash vazirligi bayonotida aytilishicha, Isroil
70 dan ortiq tibbiyot xodimi, jumladan kasalxona direktori doktor Ahmad
Al-Kahlotni hibsga olgan.
Shifokorning aytishicha, poliklinikada suv va elektr yoʻq.
"Biz kasalxonada qolgan bemorlarni kuzatib borish uchun primitiv chiroqlar bilan ishlayapmiz", - dedi shifokor.
U isroillik
harbiylar 16 yoshdan 65 yoshgacha boʻlgan barcha erkaklarni binoni tark etishni buyurgani, keyinroq ularning
hammasini hibsga olgani
va nomaʻʻlum tomonga olib ketganini
qoʻshimcha qildi. Askarlar faqat 6 nafar shifokorga bemorlarni davolash uchun
qolishga ruxsat berishgan.
Shifokorning aniqlik
kiritishicha,
shifoxonada yuzlab bolalar, ayollar va qariyalar qolmoqda.
Kasalxona hududi 12 dekabrʻ kuni ayniqsa kuchli bombardimonga
uchradi, shundan soʻng u erga Isroil qoʻshinlari
bostirib kirgan. Abu
Safiya vaziyatni “juda xavfli” deb baholadi.
Shuningdek, 11 dekabrʻ kuni shifoxonaning tugʻruq boʻlimiga
Isroil tank snaryadlari tushgani xabar qilindi. Zarba oqibatida ikki ayol halok boʻlgan, yana ikki nafari shu qadar ogʻir
yaralanganki, ularning
oyoqlarini kesib tashlashga toʻgʻri kelgan.
BMT va yirik xalqaro inson huquqlari tashkilotlari Isroilning
harakatlarini tanqid qilib, Gʻazo shifoxonalariga qilingan hujumlarni qabul qilib
boʻlmas deb atadi. Tibbiyot xodimlarining ogohlantirishicha, soha sogʻliqni saqlash
tizimi deyarli ishlayotgani yoʻq
va boshqa bosimga dosh bera olmaydi.
JSST rahbari Tedros Adxanom Gebreesus "bir necha kunlik qamaldan soʻng Gʻazo sektoridagi Kamal Advan kasalxonasiga reyd uyushtirilgani haqidagi xabarlardan juda xavotirda" ekanini aytdi.
.png)
Mavzuga aloqador
-
Gʻarb matbuoti aksariyat holatlarda ikkilanma mezonlar bilan harakat qilyapti va shu taxlit yashamoqda. Abdulhakim Bahriddin Gʻazo misolida axborot vositalaridagi ikkilanma mezonlarni tilga oldi.
-
Gʻarb matbuoti aksariyat holatlarda ikkilanma mezonlar bilan harakat qilyapti va shu taxlit yashamoqda. Abdulhakim Bahriddin Gʻazo misolida axborot vositalaridagi ikkilanma mezonlarni tilga oldi.
