Eron 2 million afgʻon muhojirlarini mamlakatdan chiqarib yubormoqchi
Eron 2025 yilning martiga qadar 2 million noqonuniy muhojirni, ularning qariyb barchasi afgʻonlar, mamlakatdan chiqarib yuborishni rejalashtirmoqda. Norasmiy maʻʻlumotlarga koʻra, Eronda 5 millionga yaqin afgʻon boʻlib, ularning koʻpchiligi noqonuniy muhojirlardir. Oʻz navbatida, “Tolibon” deportatsiya qilingan vatandoshlarni uy-joy va ish oʻrinlari bilan taʻʻminlash masalasini koʻrib chiqmoqda.
Eron 2025
yilning martigacha 2 millionga yaqin noqonuniy muhojirni mamlakatdan chiqarib
yuborishni rejalashtirmoqda. Norasmiy maʻʻlumotlarga koʻra, Eronda 5 millionga yaqin
afgʻon boʻlib, ularning koʻpchiligi noqonuniy muhojirlar hisoblanadi.
Qayd
etilishicha, Ichki ishlar vazirligi boshqa manfaatdor organlar bilan mamlakatdagi
noqonuniy migratsiya muammosini hal qilish choralarini koʻrishga harakat qilmoqda.
“Joriy
yil oxirigacha (Eron taqvimi boʻyicha 2025 yil marti) mamlakatdagi koʻp sonli
noqonuniy xorijiy fuqarolarni deportatsiya qilishni rejalashtirmoqdamiz”, dedi hukumat
vakili.
Eronga afgʻonistonlik
qochqinlar oqimi 1979 yilda Sovet Ittifoqi Afgʻonistonga bostirib kirgandan keyin
boshlangan hamda Amerika ishgʻoli, fuqarolar urushlari va beqarorlik tufayli qariyb
42 yil davom etgan.
Prezident
Masud Pezeshkian oʻzining saylov kampaniyasi chogʻida noqonuniy muhojirlar
giyohvandlik va ish bilan taʻʻminlash kabi jiddiy ijtimoiy muammolarni keltirib
chiqarayotgani va ular bilan bogʻliq muammoni hal etish niyatida ekanini bildirgandi.
Ayni paytda Eron Afgʻoniston bilan chegarasida 930 kilometr uzunlikdagi devor
qurishni boshlagan. Ichki ishlar vaziri Iskandar Moʻminiy ham 6 sentyabrʻ kuni
noqonuniy muhojirlar koʻplab muammolarni keltirib chiqarayotgani va tez orada
deportatsiya qilinishini aytdi.
Oʻz
navbatida, “Tolibon” Erondan chiqarib yuboriladigan afgʻon qochqinlarini
joylashtirish boʻyicha yigʻilish oʻtkazdi. Yigʻilishda qaytganlarni ish bilan taʻʻminlash,
uy-joyi boʻlmaganlarga er ajratish, tadbirkorlik faoliyati uchun sharoit yaratish
boʻyicha qarorlar qabul qilindi.