Bombalanayotgan Gʻazo: 320-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 320 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️Bosqinchilar Dayr al-Balah, Xon Yunis, Rafah va Jabaliyaga hujum qildi. Uzluksiz hujumlar natijasida 52 kishi halok boʻldi. Urush boshlanganidan buyon 40173 kishi shahid boʻldi.

▪️Gʻarbiy Sohilda bosqinchilar Nablus va Xalilga bostirib kirdi. Bir kishi halok boʻldi. Tulkarmda bir bola hibsga olindi.

▪️Gʻazo hukumati: Bosqinchilar 24 soat ichida maktab, bozor, telefon quvvatlash nuqtasi va uylarga hujum qilishdi. Biz natsistlarni va AQShni qirgʻinlar uchun toʻliq javobgar deb bilamiz.

▪️Gʻazoda 25 yil ichida birinchi poliomielit kasalligi qayd etildi, Falastin Sogʻliqni saqlash vazirligining maʻʻlum qilishicha, Iordaniyadagi testlar Dayr al-Balah shahrida emlanmagan 10 oylik bola kasallikka chalinganini tasdiqladi.

▪️Al-Qassam brigadalari: Biz Nitsarim oʻqidagi taʻʻminot liniyasini bombaladik, Tal al-Sultanda bosqinchilarning texnikasiga hujum qildik va Rafahda bosqinchilarni portlatib yubordik.

▪️Bir kunda Livandan Isroilga 135 ta raketa uchirildi. Ularning ayrimlari koʻchmanchilarning uy-joylariga tushib, yongʻinlarga sabab boʻldi. Qurbonlar borligi xabar qilindi.

▪️Benʻyamin Netanyaxu: "Bugun tunda kuchlarimiz HAMAS tomonidan oʻgʻirlab ketilgan olti kishining: marhum Abraham Monder, marhum Aleks Danzig, marhum Xaim Perri, marhum Yagav Buchstab, marhum Yoram Metsger va marhum Nadav Popplevel jasadlarini topdi".

▪️Kassam brigadalari HAMAS qoʻlida saqlanayotgan isroillik mahbuslarning fotosuratlarini chop etib, ular bosqinchilar tomonidan oʻqqa tutilishi natijasida halok boʻlganliklarini maʻʻlum qildi.

▪️Bosqinchilar Livan janubidagi Bekaa vodiysiga hujum qildi. 1 kishi halok boʻldi, 19 kishi yaralandi, ulardan 5 nafari bolalar.

▪️33 falastinlik mahbus Isroil qamoqlaridan ozod qilindi. Ozod qilinganlarning har birida qattiq qiynoqlar va kuchli charchoq alomatlari bor.

 

Mavzuga aloqador

Eng ko‘p o‘qilgan

Tavsiya qilingan