Shavkat Mirziyoev Makkada boʻlib turgan bosh muftiy shayx Nuriddin Xoliqnazar bilan telefon orqali muloqot qildi
Oʻzbekiston prezidenti Shavkat Mirziyoev Makka shahrida boʻlib turgan Musulmonlar idorasi raisi, muftiy shayx Nuriddin Xoliqnazar bilan telefon orqali muloqot qildi. Davlat rahbari muborak Haj ziyoratiga tayyorgarlik jarayonlari, oʻzbekistonlik hojilar uchun yaratilgan sharoitlar, ularning salomatligi va kayfiyati haqida soʻradi.
Oʻzbekiston prezidenti
Shavkat Mirziyoev Musulmonlar idorasi raisi, muftiy shayx Nuriddin Xoliqnazar
bilan telefon orqali muloqot qildi.
Davlat rahbari muborak Haj ziyoratiga tayyorgarlik jarayonlari,
yurtdoshlarimiz uchun yaratilgan sharoitlar, ularning salomatligi va kayfiyati haqida
soʻradi.
Shayx Nuriddin Xoliqnazar Shavkat Mirziyoevga, avvalo, muborak
joylarda ibodat fayzi bilan yurgan hojilarimizning salomi va duolarini etkazdi.
Bu yil ham Haj tadbirlari yuqori saviyada, tartibli tashkil
etilgani taʻʻkidlandi. Hududlardagi Haj markazlari orqali ishlar uyushqoqlik bilan
olib borildi. Vazirlar Mahkamasi boshchiligida Din ishlari boʻyicha qoʻmita, Tashqi
ishlar vazirligi, Transport vazirligi, Sogʻliqni saqlash vazirligi va boshqa
tuzilmalar hamkorligida ziyoratchilar uchun barcha sharoit yaratildi.
Ayni paytda qariyb 12 ming nafar yurtdoshimiz Saudiya
Arabistonida boʻlib turibdi. Jami 15 ming 130 nafar fuqaro Haj ibodatiga muyassar
boʻladi. Ularga 300 nafar guruh rahbari, 50 nafar oliy toifali shifokor,
oshpazlar, tarjimonlar va boshqa koʻmakchilar hamrohlik qiladi.
Bu kabi eʻʻtibor va sharoitlarni arabistonlik mutasaddilar ham yuqori baholab, Oʻzbekiston Prezidentiga hurmat va duolarini izhor etmoqdalar.
Qayd etilishicha, bu yildan boshlab bir yangilik – Saudiya Arabistonida boʻlib turgan diniy soha xodimlari hamda qori ziyoratchilar tomonidan Qurʻʻoni karimni xatm qilish yoʻlga qoʻyildi. Hozirgacha 1 ming 515 ta xatm oʻqilib, yurtimizga tinchlik, xalqimizga farovonlik tilab duolar qilingan.
Davlat rahbari yurtdoshlarimiz muqaddas Haj ibodatini mukammal ado etib, sogʻ-omon kelishlarini tiladi. Oʻzbekistonga qaytgach, hojilar jamiyatimizdagi mehr-oqibat muhitini mustahkamlash, jaholatga qarshi maʻʻrifat bilan kurashish, yoshlar tarbiyasi va oilalar totuvligida ibrat boʻlishlariga umid bildirdi.
Suhbat samimiy va koʻtarinki ruhda oʻtdi.
Mavzuga aloqador
-
Qozogʻiston joriy yilda Rossiya gazini Oʻzbekiston va Qirgʻizistonga, Turkmaniston va Oʻzbekiston gazini esa Xitoyga etkazib berish hajmini oshirishni rejalashtirmoqda. Jumladan, oʻtgan yili Rossiyadan Oʻzbekistonga 1,28 mlrd kub metr gaz etkazib berilgan boʻlsa, bu yilda ushbu koʻrsatkichni 3,8 milliardga chiqarish koʻzda tutilgan.
-
Islom taraqqiyot banki (ITB) Qirgʻizistonda 112 ming kv.metr davlat ipoteka uy-joylarini qurish uchun 79 million dollar ajratdi. Xalqaro ishlar, mudofaa, xavfsizlik va migratsiya qoʻmitasi 2024 yil 26 aprelda Saudiya Arabistonining Ar-Riyod shahrida imzolangan "Shariat standartlari boʻyicha arzon uy-joylarni moliyalashtirish" loyihasi boʻyicha Qirgʻiziston Respublikasi va Islom taraqqiyot banki oʻrtasidagi kredit shartnomalarini ratifikatsiya qilish toʻgʻrisida"gi qonun loyihasini birinchi oʻqishda maʻʻqullagan.
