Qozogʻistonda “Chegarasiz birodarlik-III” mashgʻulotlari yakunlandi
Qozogʻistonning Turkiston viloyatida Oʻzbekiston, Qozogʻiston, Turkiya, Ozarbayjon, Qatar va Pokiston harbiylari ishtirokidagi “Cheksiz birodarlik-III” mashgʻulotlari yakunlandi. 400 dan ziyod harbiy xizmatchilar qatnashgan mashgʻulotlarga zirhli mashinalar, armiya aviatsiyasi va dronlar jalb etildi.
Qozogʻistonning
Turkiston viloyatidagi “Oʻrda” togʻ poligonida Oʻzbekiston, Qozogʻiston, Turkiya,
Ozarbayjon, Qatar va Pokiston harbiylari ishtirokidagi “Cheksiz birodarlik-III”
mashgʻulotlari yakunlandi.
Mashgʻulotlarni
ushbu olti mamlakat Qurolli Kuchlari qoʻmondonlari kuzatib bordi. Shuningdek, Turkiston
viloyatidagi mashgʻulotlarga Iordaniya va Qirgʻizistondan ham kuzatuvchilar taklif
qilindi.
Dastlab, «Oʻrda»
poligonida qurol-yarogʻ, harbiy texnika va kiyim-kechak namunalari koʻrgazmasi
namoyish etildi. Soʻngra amaliy harakatlar namoyishi boshlandi.
Olti
davlatning birlashgan guruhlariga chegarani buzib oʻtgan shartli noqonuniy qurolli
guruhni toʻsib qoʻyish va yoʻq qilish vazifasi yuklatildi. Jangarilarning dronlardan
foydalanishga urinishi elektron urush orqali bartaraf etilgan.
Taktik desant
guruhi qoʻmondonlik choʻqqilarini zabt etdi, hujum esa kamikadze dronlari, aviatsiya
va kvadrotsikllardagi mobil guruhlar tomonidan qoʻllab-quvvatlandi. Dushman
binoga bostirib kirganidan soʻng, tunnelda dronlar yordamida “yoʻq qilindi”.
Amaliyot yakunida qoʻmondonlar ishtirokchilarni tabriklab, terrorchilik tahdidlariga
qarshi kurashda kuchlarni birlashtirish muhimligini taʻʻkidlashdi. Mashqlar qoʻshinlarning izchil va
samarali harakat qilishga tayyorligi tasdiqlagani qayd etildi.
Mashgʻulotlar tajriba almashish, qoʻmondonlik-nazorat organlari
va harbiy kontingentlar oʻrtasidagi oʻzaro hamkorlik darajasini oshirish,
boʻlinmalar shaxsiy tarkibini individual va guruhli tayyorlashga qaratilganiga urgʻu qaratildi.
Mashqlarning eng yaxshi ishtirokchilari taqdirlandi. Mashgʻulotlarda jami 400 dan
ortiq harbiy xizmatchilar ishtirok etdi.
Mavzuga aloqador
-
Oʻzbekiston va AQSh oʻrtasida foydali qazilmalar sohasida hamkorlikni mustahkamlashga qaratilgan oʻzaro anglashuv memorandumi imzolandi. Ushbu hujjat geologiya-qidiruv va yuqori qiymatli mahsulotlar zanjirini yaratish yoʻlida ikki davlat muloqotini davom ettirishda muhim qadam ekani qayd etildi.
-
Oʻzbekiston va Ummon oʻrtasida diplomatik pasport egalarini viza talablaridan ozod qilish toʻgʻrisidagi shartnoma imzolandi.
