Oʻzbekistonlik ulamolar, imom-domla va qorilar AQSh, Janubiy Koreya va Rossiyadagi Ramazon tadbirlarida qatnashmoqda

Ramazon oyi davomida bir guruh ulamolar, imom-domlalar va mohir qorilar chet eldagi vatandoshlar bilan maъrifiy suhbatlar qilish, Ramazoni sharif bilan qutlash, ularning diniy savollariga javob berish hamda taroveh namozida ishtirok etish maqsadida AQSh, Rossiya, Janubiy Koreya singari mamlakatlarda xizmat safarida boʻlib turishibdi.

Oʻzbekiston musulmonlari idorasi matbuot xizmatining xabar berishicha, Masjidlar boʻlimi mudiri Muzaffar domla Kamolov, Xorazm viloyati bosh imom-xatibi Xayrullo domla Abdullaev, Fargʻona viloyati Quvasoy shahar “Islom” masjidi imom-xatibi Alisher domla Naimov, , Toshkent shahar Olmazor tumani “Imom at Termiziy” masjidi imom-xatibi Yahyo domla Abduraxmonov, Toshkent shahar Yunusobod tumani “Yunus ota”  masjidi imom noibi Jamoliddin domla Qodirov,  Andijon shahar “Chinor” masjidi imom-xatibi Avazbek domla Moʻminov, Andijon tumani “Usmoni Zinnurayn” masjidi imom-xatibi Fazliddin  domla Abdullaev Janubiy Koreyaning Seul, Chengju, Mokpo, Daegu kabi shaharlaridagi tadbirlarda qatnashib, manfaatli suhbatlar oʻtkazmoqdalar.

AQShning Nьyu-York, Filadelьfiya, Orlando, Tsintsinnati, Chikago, Nьyu-Jersi shaharlaridagi vatandoshlar Toshkent shahar “Siroj solih” masjidi imom-xatibi Hasan domla Qodirov,  Toshkent shahar “Shayx Muhammad Sodiq Muhammad Yusuf” masjidi imom-xatibi Ismoil domla Muhammad Sodiq, Andijon viloyati “Eski Gumbaz” masjidi imom-xatibi Botir domla Tojiboev, Toshkent shahar “Firdavs” masjidi imom-xatibi Baxtiyor domla Sattorov, Namangan shahar “Mulla Bozor Oxund” masjidi imom-xatibi Zoxidjon domla Nomonov, Toshkent shahar “Hazrati Umar” masjidi imom-xatibi Fazliddin domla Mamadaliev, Samarqand viloyati “Xoʻja Abdu Darun” masjidi imom-xatibi Zafar domla Mahmudov, Fargʻona viloyati “Xoʻja Abdulloh” masjidi imom-xatibi Abduvohid domla Mansuralievning maъruzalari va xatmi Qurъonlariga someъ boʻlmoqdalar.

Mana shunday tadbirlar Rossiya Federatsiyasining Magandan va Xabarskiy kabi hududlariga ishlash, taъlim olish uchun borgan vatandoshlarimiz uchun ham tashkil etilmoqda. Ushbu mintaqalardagi uchrashuvlarda Namangan viloyati “Mulla Abduqodir” masjidi imom-xatibi Muzaffar domla Ibragimov, Toshkent shahar Chilonzor tumani “Choshtepa” masjidi imom-xatibi  Hakimjon domla Xotamov  ishtirok etmoqda.

"Safar davomida diniy soha xodimlari vatandoshlar bilan muloqotlarda Islom dini qadriyatlari, Ramazon oyi fazilatlari, ona-Vatanga muhabbat va buzgʻunchi gʻoyalarga aldanmaslik kabi mavzularda ham suhbatlar qilmoqdalar", deyiladi xabarda.