Bombalanayotgan Gʻazo: 341-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 34y kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️Bosqinchilar Rafah, Xon Yunis, Nuseyrat va Jabaliya lagerlariga hujum qildi. Urush boshlanganidan buyon 41 020 kishi shahid boʻldi.

▪️Gʻarbiy Sohilda bosqinchilar Tulkarm, Al-Xalil va Tubasga bostirib kirdi. 5 kishi, jumladan, bir bola halok boʻldi, 10 kishi yaralandi. Tulkarm kasalxonalari fashistlar tomonidan qamalda.

▪️Tulkarm qarshilik jangchilari ishgʻol mashinasini portlatib yubordi. Natsistlar uylarga havodan hujum qildi.

▪️Gʻazoda ishgʻol vertolyoti halokatga uchradi. 3 bosqinchi halok boʻldi, 8 tasi tan jarohati olgani, ulardan 4 tasi ogʻir ekanligi maʻʻlum qilindi.

▪️Bu kecha bosqinchilar Livan janubiga 15 marta yirik hujum uyushtirdilar.

▪️HAMAS siyosiy byurosi rahbari Yahyo Sinvar ilk bor matbuotda chiqish qilib, prezident Abdulmajid Tebbunni Jazoir prezidenti etib qayta saylangani bilan tabrikladi.

▪️Hizbulloh Amiaddagi bosqinchi armiya qarorgohiga hujum qilish uchun dronlardan foydalangan.

▪️Gʻazo hukumati: Mavashi koʻchirilganlar lageriga tashlangan 2000 funtlik Amerika bombalari qurbonlarning jasadlarini eritib yubordi.

▪️Isroillarning Gʻazodagi genosidini qoʻllab-quvvatlagan Burger King tez ovqatlanish tarmogʻi Turkiyada davom etayotgan boykotning oldini olish maqsadida nomini «Börgır» deb oʻzgartirdi.

▪️Gʻarbiy Sohildagi Ramallah shahrida yuk mashinasi haydovchisi yoʻl chetiga oʻrnatilgan ishgʻol kuzatuv shoxobchasiga borib urilishi natijasida bir bosqinchi oʻldi, falastinlik esa kasalxonaga yotqizildi.

▪️Oktyabrʻ oyida "HAMAS tomonidan boshi kesilgan chaqaloqlarni koʻrdim" degan yolgʻonni tarqatgan ishgʻol polkovnigi Golan Vach Gʻazo markazidagi qarshilik hujumida ogʻir yaralandi.

Mavzuga aloqador

Eng ko‘p o‘qilgan

Tavsiya qilingan