Bombalanayotgan Gʻazo: 334-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 334 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️Bosqinchilar Rafah, Jabaliya lageri va Zaytun hududiga hujum qildi. Kun davomida 43 kishi halok boʻldi.

▪️Gʻarbiy Sohilda bosqinchilar sakkizinchi kundan beri Jenin, Al-Xalil va Tulkarmni qamal qilishdi. Qarshilik jangchilari ishgʻol texnikasini portlatdi.

▪️Gʻarbiy Sohilni qamal qilish chogʻida 33 kishi halok boʻldi, 130 dan ortiq kishi yaralandi. Jeninda 16 yoshli qiz halok boʻldi, 5 jurnalist yaralandi.

▪️YuNRVA rahbari Filipp Lazzarini: Gʻarbiy Sohil boʻylab tinch aholini zudlik bilan himoya qilishga chaqiraman.

▪️Iroq qarshilik kuchlari Hayfa portiga hujum qilish uchun dronlardan foydalandi.

▪️Jazoir Gʻarbiy Sohildagi ishgʻol qirgʻini sababli BMT Xavfsizlik Kengashining shoshilinch yigʻilishini talab qildi.

▪️Falastindagi kelgindi yahudiylar ishgʻolchi kuchlar askarlari bilan birgalikda Gʻarbiy Sohildagi Xevron shahrida joylashgan Ibrohim masjidini egallab, uni talon-taroj qildi.

▪️Mashhur yapon-amerikalik kinorejissyor Neo Sora 2024 yilgi Venetsiya xalqaro kinofestivalida Falastin xalqini qoʻllab-quvvatlash uchun kufiya va Falastin bayrogʻini taqqan holda sahnaga chiqdi.