Bombalanayotgan Gʻazo: 204-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 204 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️ Bosqinchilar Rafah, Nuseyrat lageri va Gʻazo markaziga hujum qildi. Bir kunda 51 kishi halok boʻldi. Urush boshlanganidan beri jami 34356 kishi shahid boʻldi, 77 437 kishi jarohatlandi.

▪️ Gʻarbiy Sohildagi Tulkarmda qarshilik kuchlari bosqinchilar bilan jangga kirishdi.

Isroil milliy xavfsizlik vaziri Itamar Ben-Gvir Ramle shahrida (1948 yilgacha Falastin hududi boʻlgan) yoʻl-transport hodisasiga uchradi. Uning avtomobili qizil chiroqda oʻtayotgan vaqtida boshqa transport vositasi bilan toʻqnashib, agʻdarilib ketgan. Vazir jarohat olib, kasalxonaga yotqizildi.

▪️ Xusiylar Qizil dengizda Britaniyaning Andromeda Star neftʻ tankeriga hujum qildi.

▪️ AQSh, BMT, EI va boshqa bir qancha davlatlar Gʻazodagi ommaviy qabrlardan koʻp sonli falastinliklar jasadlari aniqlanayotganidan xavotir bildirib, ushbu harbiy jinoyat qatʻʻiy ravishda tergov qilinishi lozimligini taʻʻkidladi.

▪️ Gʻazoda Sogʻliqni saqlash vazirligi: Qattiq issiq harorat tufayli bezgak, denge isitmasi va boshqa kasalliklarga chalingan falastinliklar soni ortib bormoqda.

▪️ Google yana 20 nafar xodimini Isroil hukumatiga hisoblash va sunʻʻiy intellekt xizmatlarini koʻrsatish boʻyicha 1,2 milliard dollarlik Nimbus loyihasiga qarshi namoyishlarda qatnashgani uchun ishdan boʻshatdi.

▪️ AQSh Davlat departamentining arab tilidagi soʻzchisi, asli falastinlik Hala Rharrit Vashingtonning Gʻazo sektoriga nisbatan siyosati bilan kelishmovchiliklar tufayli oʻz lavozimini tark etdi. Bu 2023 yil oktyabrʻ oyidan beri boshqarmadagi uchinchi isteʻʻfodir.

▪️ AQSh universitetlarida Falastinni qoʻllab-quvvatlab oʻtkazilayotgan namoyishlar bir haftadirki davom etmoqda. 

Mavzuga aloqador

Eng ko‘p o‘qilgan

Tavsiya qilingan