Bombalanayotgan Gʻazo: 348-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 348 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️Bosqinchilar Rafah, Nuseyrat lageri va Zaytun hududiga hujum qildi. Isroilning soʻnggi 24 soat ichida uyushtirgan hujumlarida kamida 20 kishi halok boʻldi, 54 kishi yaralandi.

▪️2023 yil 7 oktyabrdan beri Isroilning Gʻazo sektoriga hujumi oqibatida falastinliklar halok boʻlganlar soni 41 272 nafarga etdi, kamida 95 551 kishi jarohatlangan.

▪️Gʻarbiy Sohilda bosqinchilar Al-Xalil, Baytlahm va Tulkarmda falastinliklarni ommaviy hibsga olmoqda.

▪️Nablusda shiddatli janglar ketmoqda. Kelgindi yahudiylar Yusuf paygʻambar (Avliyo Iosif) qabriga bostirib kirdi.

▪️Livan Sogʻliqni saqlash vazirligi: Isroil terakti (peyjerlarning portlatilishi) qurbonlari soni 11 kishiga etdi va 4 ming yarador boʻldi, ulardan 400 nafarining ahvoli ogʻir.

▪️Qassam brigadalari Rafah shahrida bosqinchilar joylashgan binoni portlatib yubordi. 4 askar oʻldi, 5 tasi yaralandi.

▪️Bugun tongda fashistlar Livan janubidagi Al-Udeys, Xiam, Marun va Shixin shaharlariga hujum qildi.

▪️Gʻazo fuqarolik mudofaasi uskunalarsiz ishgʻolchilar hujumlari natijasida Burayj lagerida vayronalar ostida qolib ketgan 80 ga yaqin shahid jasadlarini olib chiqmoqda.

▪️Gʻazo Sogʻliqni saqlash vazirligi Gʻazoda oʻldirilgan 34344 kishining ismlari, tugʻilgan sanalari va jinsi koʻrsatilgan 649 sahifalik hujjatni eʻʻlon qildi. Birinchi 14 sahifada chaqaloqlarning ismlari bor.

Mavzuga aloqador

Eng ko‘p o‘qilgan

Tavsiya qilingan