Afgʻoniston amerikaliklar ketganining 3 yilligini parad bilan nishonladi
Chorshanba, 14 avgust kuni Afgʻonistonda Amerika qoʻshinlari mamlakatdan chiqib ketganining uch yilligi munosabati bilan harbiy parad boʻlib oʻtdi. Tadbir yigirma yil davomida Tolibonga qarshi AQSh boshchiligidagi operatsiyalarda asosiy tayanch boʻlib xizmat qilgan sobiq Bagrom bazasida boʻlib oʻtdi.
Bagrom paradi Tolibon 2021 yil avgustida mamlakat ustidan nazoratni qayta tiklaganidan beri Tolibonning eng yirik tadbiri boʻldi. Tolibon dunyoning eng qudratli ikki derjavasi – SSSR va AQSh boshchiligidagi Gʻarb qoʻshinlaridan olingan harbiy texnikalar, shu jumladan, vertolyot va qiruvchi samolyotlardan foydalandi.
Afgʻonistonning boshqa shaharlarida ham shunday paradlar va bayram kortejlari boʻlib oʻtdi.
Eslatib oʻtamiz, Afgʻoniston Tolibon harakati 2021 yilning 15 avgustida AQSh qoʻllab-quvvatlagan hukumat qulab, uning etakchilari mamlakatni tark etganidan soʻng Afgʻoniston poytaxti Kobulni egalladi. Yubiley afgʻon kalendariga koʻra bir kun oldin nishonlanadi.
Xavfsizlik va koʻknori nazorati sohasidagi yutuqlarga qaramay, mamlakat qator muammolarga duch kelishda davom etmoqda. Afgʻoniston hukumati boshqa hech bir davlat tomonidan tan olinmagan.
Iyunʻ oyi boshida Qozogʻiston hukumati Afgʻonistonni mintaqalararo aloqalarga faol jalb qilish maqsadida Tolibon harakatini terrorchilar roʻyxatidan chiqardi, iyulʻ oyida esa Rossiya prezidenti Vladimir Putin Tolibon harakatini terrorizmga qarshi kurashda Rossiya ittifoqchisi deb atadi.
Mavzuga aloqador
-
Qozogʻiston “Tolibon”ni mamlakatda taqiqlangan tashkilotlar roʻyxatidan chiqarishini maʻʻlum qildi.
-
Soʻnggi 2 yil ichida Afgʻonistonga tashrif buyuruvchi sayyohlar soni 10 barobar oshdi. Jumladan, 2021 yilda ushbu mamlakatga 691 nafar xorijiy sayyoh tashrif buyurgan boʻlsa, 2022 yilda bu koʻrsatkich 2 ming kishidan oshdi. Oʻtgan yili esa 7 mingga yaqin xorijlik tashrif buyurdi. Biroq turizmni rivojlantirish hali ham bir qator toʻsiqlarga duch kelmoqda. “Tolibon” ushbu toʻsiqlarni bartaraf etishga vaʻʻda berdi.
