Muhammad Yunus Bangladeshning oʻtish davri hukumati rahbari etib tayinlandi
Tinchlik uchun Nobel mukofoti sovrindori, uzoq vaqtdan beri Hasinaning raqibi hisoblangan va "kambagʻallar bankiri" sifatida tanilgan 84 yoshli Muhammad Yunus Bangladesh oʻtish davri hukumati rahbari etib tayinlandi.
Tinchlik
uchun Nobel mukofoti sovrindori Muhammad Yunus Bangladesh bosh vaziri Shayx Hasina
Vojid hukumatga qarshi namoyishlar ortidan mamlakatni tark etganidan soʻng oʻtish
davri hukumati rahbari etib tayinlandi. Bu haqda Dhaka Tribune xabar qildi.
Rasmish
vakil Muhammad Yunus Bangladesh prezidenti Muhammad Shahobiddin va talabalarning
kamsitishga qarshi harakati etakchilari oʻrtasidagi uchrashuvdan soʻng muvaqqat
hukumat rahbari etib tayinlanganini tasdiqladi.
Rasmiy,
shuningdek, oʻtish davri hukumatining qolgan aʻʻzolari turli siyosiy partiyalar bilan
maslahatlashuvlardan soʻng aniqlanishini taʻʻkidladi.
Yunus namoyishchilarning iltimosiga ijobiy javob berdi
Talabalar norozilik namoyishlari muvofiqlashtiruvchilaridan biri Nahid
Islomning bildirishicha,
ular Nobel mukofoti sovrindori Muhammad Yunusning mamlakatda tuzilishi
rejalashtirilgan oʻtish davri hukumatiga rahbarlik qilishini istashlarini aytgan.
Yunus
markazi direktori Lamiya Morshedning aytishicha, Muhammad Yunus hozir Parijda va tez
orada Dakkaga qaytadi. U talabalarning iltimosiga ijobiy javob berdi.
“Buncha
qurbonlar bergan talabalar mendan bu ogʻir davrda vaziyatga aralashishimni soʻrashayotgan
boʻlsa, men qanday qilib rad etaman?” – dedi u.
Muhammad
Yunus kim?
84 yoshli
Muhammad Yunus uzoq vaqtdan beri Hasinaning raqibi hisoblangan, “kambagʻallar
bankiri” sifatida tanilgan.
Nobel
mukofoti sovrindori Yunus Bangladeshda koʻplab moliyaviy ayblovlar bilan qamoqqa
tashlangan. U Shayx Hasina bilan sovuq munosabatlari tufayli hujumlar
nishoniga aylangan.
AQShning sobiq prezidenti Barak Obama, BMT sobiq bosh kotibi Pan Gi Mun va
boshqa koʻplab taniqli shaxslarni oʻz ichiga olgan guruh Shayx Hasinaga xat yozib,
Yunusga qarshi sud jarayonini toʻxtatishni soʻragan.
Muhammad Yunus 2006 yilda Grameen bankiga asos solgan va uning kashshof
faoliyati uchun Tinchlik uchun Nobel mukofoti bilan taqdirlangan.
Mavzuga aloqador
-
Bangladesh Oliy sudi yakshanba kuni mamlakat boʻylab talabalar noroziligiga sabab boʻlgan mustaqillik uchun kurashganlarning farzandlarini davlat ishiga olish boʻyicha 30 foizlik kvotani bekor qildi. Oxirgi kunlarda roʻy bergan ommaviy tartibsizliklar natijasida kamida 114 kishi halok boʻldi.
-
Bangladesh bosh vaziri Shayx Hasina isteʻʻfoga chiqdi va qoʻshni Hindistonga qochib ketdi. Mamlakat yuzlab odamlarning oʻlimiga olib kelgan ommaviy norozilik namoyishlari davom etmoqda. Armiya shtab boshligʻi general Vaqer-Uz-Zamon muvaqqat hukumat tuzilishini maʻʻlum qildi.
