BMT Bosh Assambleyasi 153 ovoz bilan Gʻazoda zudlik bilan gumanitar sulhga chaqiruvchi rezolyutsiyani qabul qildi
Birlashgan Millatlar Tashkiloti Bosh Assambleyasi 153 ovoz bilan Gʻazoda zudlik bilan gumanitar sulhga chaqiruvchi rezolyutsiyani qabul qildi.
Misr ilgari
surgan va 100 ga yaqin davlat tomonidan taqdim etilgan rezolyutsiya loyihasi BMT
Bosh Assambleyasining 193 aʻʻzosi boʻlgan Falastinga bagʻishlangan maxsus favqulodda
yigʻilishda ovozga qoʻyildi.
Qaror
loyihasi boʻyicha 23 davlat betaraf qolgan boʻlsa, 10 mamlakat qarshi ovoz berdi.
«Yoʻq» deb
ovoz bergan davlatlar - Avstriya, Chexiya, Gvatemala, Isroil, Liberiya, Mikroneziya,
Nauru, Papua-Yangi Gvineya, Paragvay va AQSh.
Qarorda
BMT Nizomi va BMT Bosh Assambleyasi hamda Xavfsizlik Kengashi tomonidan Falastin
boʻyicha qabul qilingan barcha rezolyutsiyalarga havola qilingan.
Qarorda
BMT bosh kotibi Antoniu Guterrishning BMT Nizomining 99-moddasiga asoslanib,
Kengashga yuborgan maktubi hamda BMT yordam va ishlar agentligi bosh komissari
Filipp Lazzarinining Bosh Assambleyaga yoʻllagan maktubi ham tilga olingan. Falastinlik
qochqinlarga yordam koʻrsatish agentligi (UNRWA) Gʻazo sektoridagi dahshatli
gumanitar vaziyat va Falastin xalqi chekayotgan jabr-zulmga eʻʻtibor qaratib, barcha
fuqarolik jamiyatlarini himoya qilish kerakligini taʻʻkidladi.
Rezolyutsiya
zudlik bilan gumanitar sulhga chaqirdi va barcha tomonlarni ayniqsa tinch aholini
himoya qilish boʻyicha xalqaro huquq doirasidagi majburiyatlarini bajarishga chaqirdi.
Qarorda
barcha asirlarni zudlik bilan va hech qanday shartlarsiz ozod qilish hamda
insonparvarlik yordamidan foydalanish talab qilingan.
Gʻazoda
gumanitar sulh talab qilingan rezolyutsiya BMT Bosh Assambleyasi tomonidan 27
oktyabrʻ kuni 121 ovoz bilan qabul qilingan edi. Eʻʻtiborlisi, joriy
qarorga «ha» deb ovoz bergan davlatlar soni 153 taga etdi.
BMT Bosh
Assambleyasi sessiyasida AQSh va Avstriyaning rezolyutsiya loyihasiga tuzatishlar
kiritish haqidagi soʻrovlari aʻʻzo davlatlar tomonidan rad etildi.
AQSh
“terror hujumlari” va HAMAS tomonidan amalga oshirilgan garovga olishni qoralovchi
moddaning rezolyutsiya loyihasiga kiritilishini istasa, Avstriya barcha mahbuslarni
ozod qilish haqidagi moddaga “Hamas va boshqa guruhlar tomonidan hibsga olingan”
iborasini qoʻshmoqchi boʻlgan.
Mavzuga aloqador
-
Isroil Gʻazo sektorida bosqinchilik va qirgʻinbarot urushini boshlaganiga 203 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
-
BMT Bosh Assambleyasi Falastinni qoʻllab-quvvatlovchi 5 ta rezolyutsiyani qabul qildi. Ular orasida falastinliklarga yordam berish, ishgʻol qilingan hududlarda yahudiy aholi punklari bilan bogʻliq rezolyutsiyalar bor.
