Rohinja qochqinlarining yangi toʻlqini Bangladeshga kirib kelmoqda
Gʻarbiy Rahin shtatida harbiylar va isyonchi Arakan armiyasi oʻrtasida janglar avj olgan Mʻyanmadan Bangladeshga rohinja qochqinlarining yangi oqimi kirib keldi, deb xabar bermoqda “Al-Jazira”.
“Chegara bilmas shifokorlar” tashkiloti shifokorlariga koʻra,
soʻnggi kunlarda Koks-Bazar qochqinlar lageriga oskolʻka va oʻq jarohatlarini olgan 39 kishi etib kelgan.
Qurbonlarning deyarli yarmi ayollar va bolalardir. Shifokorlarning aytishicha, yil
boshidan beri lagerga yaradorlar
kelmayotgan edi.
“Soʻnggi bir necha kun ichida chegarani kesib oʻtgan yarador
qochqinlar soniga kelsak, ularning jarohatlari tabiati qurolli toʻqnashuvdan
dalolat beradi. Shubhasiz, Mʻyanmada
tinch aholi rohinjalari uchun yashash maydoni kundan-kunga qisqarmoqda, odamlar
janglarga jalb etilmoqda va xavfsizlik
uchun Bangladeshga qochishga majbur boʻlmoqda”, - deydi “Chegara bilmas shifokorlar” tashkiloti
xodimi Orla Merfi.
2017 yilda 750 ming rohinja Bangladeshga qochgan, vatanlarida qolganlar esa
asosan lagerlarda yashab, harakatlanishi
cheklangan.
Mavzuga aloqador
-
BMT xalqaro hamjamiyatdan 7 yil muqaddam Myanʻmadan qochib kelgan 1 millionga yaqin rohinja musulmonlari va ularni qabul qilgan Bangladesh hukumatiga yordam berish uchun 852,4 mln dollar ajratishni soʻradi.
-
Mʻyanmaning Rakxayn shtatidagi musulmonlar dunyodagi eng koʻp taʻʻqib qilinadigan va kamsitiladigan guruhlardan biri boʻlib qolmoqda. Ular 2012 va 2017 yillarda Mʻyanma harbiy xuntasi tomonidan uyushtirilgan genotsid qurboni boʻlib, keyinchalik Bangladesh kabi davlatlarga zoʻravonliklardan qutulish uchun ketgan qochqinlar sifatida xalqaro diqqat markaziga aylandi. 1,2 milliondan ortiq Rohinja musulmonlari ayni damda Mʻyanmadan tashqarida istiqomat qilishadi, bu esa ularni dunyodagi fuqaroligi mavjud boʻlmagan eng katta guruhlardan biriga aylantiradi.
