Ismoil Haniyaning oʻrnini kim egallashi mumkin?

HAMAS siyosiy byurosi rahbari Ismoil Haniya Eron poytaxti Tehronda oʻldirilganidan soʻng uning oʻrniga kim harakat rahbarligini egallaydi, degan savollar paydo boʻldi. Ekspertlar uch kishining nomzodini tilga olishmoqda.

HAMAS siyosiy byurosi rahbari Ismoil Haniya Eron poytaxti Tehronda oʻldirilganidan soʻng uning oʻrniga kim harakat rahbarligini egallaydi, degan savollar paydo boʻldi. Ajablanarlisi shundaki, Ismoil Haniya HAMASning eng moʻtadil etakchilaridan biri edi, boshqa nomzodlar esa Isroilga nisbatan qattiqroq munosabatda boʻlishlari mumkin, ayniqsa ular qilgan ishlaridan keyin.

Haniya chin dildan otashkesim va asirlar almashinuvini xohlardi. Bu uning nutqlarida ham sezilardi. Biroq u boshqacha yoʻl tutishga qaror qilgan qattiqroq odam bilan almashtirilishi mumkin.

Ayni paytda HAMAS rahbari lavozimiga nomzodlar orasida quyidagi shaxslar bor:

Yahyo Sinvar — hozirda HAMASning Gʻazodagi rahbari. Moʻtadillikdan uzoq, keskin, qattiq va murosasiz.

 

Xolid Mashʻʻal — Ismoil Haniyadan oldin hukmronlik qilgan HAMAS siyosiy byurosining sobiq rahbari. Shuningdek, u sionistlar bilan muzokaralar va kelishuvlarga nisbatan keskin qarashlarga ega, ammo Sinvardan koʻra moʻʻʻtadilroq.

 

Mahmud al-Zahar — murosasiz, ammo dono siyosatchi, HAMAS asoschilaridan biri sifatida mashhur boʻlgan va HAMAS hukumatida tashqi ishlar vaziri boʻlib ishlagan.

 

Bu munosib odamlardan biri HAMAS siyosiy byurosining keyingi rahbari boʻlishi mumkin. Umuman olganda, kim ekanligi unchalik muhim emas, chunki ularning barchasi oʻtmishda shahid boʻlgan rahbarlarning ishini davom ettirib, muqaddas zamin ozodligi uchun benuqson kurashni davom ettiradi.

Mavzuga aloqador

Eng ko‘p o‘qilgan

Tavsiya qilingan