Bangladeshning sobiq bosh vaziriga nisbatan qotillik boʻyicha ish qoʻzgʻatildi
Bangladeshning sobiq bosh vaziri Shayx Hasinaga nisbatan Dakkada yashovchi fuqaroning oʻlimi boʻyicha jinoyat ishi qoʻzgʻatildi. Bu haqda Dhaka Tribune nashri xabar berdi.
Janubiy Osiyo respublikasining sobiq hukumat rahbari 19 iyulʻ
kuni Dakkaning Muhammadpur tumanida bandlik kvotasiga qarshi namoyishlar chogʻida
otib oʻldirilgan oziq-ovqat doʻkoni egasi Abu Sayidni oʻldirishda ayblanmoqda. Nashrning qayd etishicha, Sayid politsiya
tomonidan otishma natijasida vafot etgan. Dakka sudiga Muhammadpurda istiqomat
qiluvchi Amir Shatil nomidan mahalliy tadbirkorning oʻldirilishi boʻyicha daʻʻvo
arizasi berildi.
Ishda Shayx Hasinadan tashqari boshqa ayblanuvchilar hukmron
Avami ligasi partiyasi sobiq bosh kotibi Obaydul Kuader, sobiq ichki ishlar vaziri
Asaduzzamon Xon Kamol, politsiya sobiq bosh inspektori Choudxuri Abdulla Al Mamun
va boshqa yuqori martabali politsiya xodimlari ham bor.
Bangladesh Jinoyat kodeksiga koʻra, qotillik uchun eng ogʻir jazo umrbod qamoq yoki oʻlim
jazosini oʻz ichiga oladi.
Eslatib
oʻtamiz, 5 avgust kuni Shayx Hasina isteʻʻfoga chiqib, mamlakatni tark etdi. Unga va uning
hukumatiga qarshi namoyishlar iyulʻ oyi boshida mustaqillik uchun kurashganlarning oilalariga davlat
xizmatiga ishga olish uchun kvota ajratish toʻgʻrisidagi qarori ortidan boshlanib
ketgan edi. Ushbu namoyishlarda 600 ga yaqin fuqaro halok boʻldi, 11 mingdan ziyod
namoyishchilar qamoqqa olindi.
Hozirda
respublikada Tinchlik uchun Nobel mukofoti sovrindori Muhammad Yunus boshchiligidagi
muvaqqat hukumat tuzilgan. U 8 avgust kuni qasamyod keltirdi.
Mavzuga aloqador
-
Isroil soʻnggi 24 soat ichida Gʻazo sektorida besh askari halok boʻlganini eʻʻlon qildi va mamlakat hukumati tomonidan oʻlgan deb tan olingan jami harbiylar soni 674 nafarga, 7 oktyabrdan beri yaralangan askarlar soni esa 9000 nafarga yaqinlashdi. Shuningdek, Isroil armiyasidagi nogiron askarlarning umumiy soni oʻtgan oy birinchi marta 70 mingdan oshdi, ularning 35 foizi ruhiy salomatlik muammolari va 21 foizi jismoniy jarohatlar tufayli davolanmoqda. Haqiqiy raqamlar rasmiy statistikadan karrasiga ziyod boʻlishi mumkin.
-
Moliya vaziri Bezalel Smotrich, atrof-muhit vaziri Idit Silman, iqtisodiyot vaziri Nir Barkat va energetika vaziri Eli Koen dafn marosimiga kelishganida, qurbonlarning qarindoshlari ularni marosimdan quvib chiqarishdi. Ular fojiani siyosiy voqeaga aylantirishni istashmadi. “Biz druzlarning urf-odatlari boʻyicha tinchgina dafn marosimini oʻtkazish imkoniyatini berishni talab qilamiz”, — deb yozadi jamoa etakchilari Isroil hukumatiga murojaatida.
