Meta Malayziya bosh vazirining HAMAS etakchisi haqidagi postlarini oʻchirgani uchun uzr soʻradi
Meta Platforms Malayziya bosh vaziri Anvar Ibrohimning Facebook va Instagram akkauntlaridan HAMAS etakchisi Ismoil Haniyaning oʻldirilgani bilan bogʻliq kontentni oʻchirib tashlagani uchun uzr soʻradi.
Haniyaning oʻlimi munosabati bilan hamdardlik bildirgan
postlar oʻchirilganidan soʻng, Malayziya Meta bilan bogʻlanib, tushuntirish talab qildi.
"Malayziya bosh vazirining Facebook va Instagram sahifalaridan kontent
oʻchirilishiga olib kelgan operatsion xatolik uchun uzr soʻraymiz", dedi matbuot
kotibi Reuters agentligiga elektron
pochta orqali xabarlar "toʻgʻri maʻʻlumot yorligʻi" bilan tiklanganini
taʻʻkidlab.
Malayziya aloqa vaziri va bosh vazir devoni
xodimlari dushanba kuni tushuntirish
olish uchun Meta rasmiylari bilan uchrashdilar.
"Bosh vazir idorasi
Meta harakatlarini kamsitish, adolatsizlik va soʻz erkinligini qoʻpol ravishda poymol qilish sifatida baholaydi",
deyiladi idora dushanba kuni eʻʻlon qilingan bayonotda.
4 avgust kuni Anvar Ibrohim Kuala-Lumpurda Falastinni
qoʻllab-quvvatlash mitingida qatnashdi. Bayonotda aytilishicha, jonli efir ham musiqa
bilan bogʻliq intellektual mulk huquqining buzilishi shikoyati tufayli qisqa
muddatga toʻxtatilgan.
Ofisning qayd etishicha, yozuvlarni oʻchirishga ularda “xavfli
shaxslar yoki tashkilotlar” haqidagi elementlarning mavjudligi sabab boʻlgan.
Avvalroq Malayziya bosh vaziri Anvar Ibrohim Meta korporatsiyasini
Facebook va Instagram sahifalaridan Falastinning HAMAS harakati Siyosiy byurosi
rahbari Ismoil Haniyaning oʻlimiga bagʻishlangan postlarini oʻchirib tashlagach, uni
qoralagan edi.
Eslatib
oʻtamiz, Turkiyada ham Haniya oʻlimi bilan bogʻliq postlar hech qanday asoslarsiz
oʻchirilgani sababli Instagram platformasi
bir necha kundan buyon bloklangan. Kuni kecha ikki tomon oʻrtasida 6 soat davom
etgan muzokaralarda kutilgan natijalarga erishilmadi.
Mavzuga aloqador
-
HAMAS etakchisining Isroil tomonidan oʻldirilishi dunyo kun tartibini oʻzgartirib yubordi. Etakchi mamlakatlar rahbarlari, tashqi siyosat idoralari va tashkilotlar oʻz munosabatini bildirmoqda.
-
Livan matbuotining yozishicha, Isroil HAMAS siyosiy byurosi rahbari Ismoil Haniyani oʻldirishda uchinchi davlat yordamidan foydalanganini yozmoqda. Maʻʻlumotlarga koʻra, uchinchi davlat hududidan boshqariluvchi snaryad uchirilgan.
