Bosundagi konda oltingugurt gazi sizib chiqishi oqibatida 4 kishi halok boʻlgani aytilmoqda
Boysundagi «Mustaqillikning 25 yilligi» gaz konidan vodorod sulʻfid (oltingugurt gazi) sizib chiqishi qaytadan boshlandi. 4 kishi halok boʻlgani aytilmoqda (rasmiy manbalarda – 2 kishi), jarohatlanganlar ham bor.
Surxondaryo viloyati Boysun tumanidagi «Mustaqillikning 25
yilligi» (M-25) gaz konida 17 sentyabrʻ kuni tushdan keyin yana vodorod sulʻfid
sizib chiqishi yuz berdi.
18 sentyabrʻ kuni AOKAda oʻtkazilgan matbuot anjumanida esa
Bosh prokuratura Ekologiya, atrof-muhitni muhofaza qilish va oʻrmon xoʻjaligi
sohasidagi qonunchilik ijrosi ustidan nazorat boshqarmasi boshligʻi Oʻktam Oʻtaev
holat oqibatida 2 nafar shaxs vafot etganini maʻʻlum qildi.
«Haqiqatan, kecha siz aytgan oʻsha noxush holat boʻyicha, 2 nafar
oʻlgani boʻyicha, voqea joyiga viloyat prokurorining oʻzi chiqqan. Hozirda tergovoldi
tekshiruv harakatlari olib borilmoqda», — dedi prokuratura vakili. U vafot etganlardan tashqari,
jarohatlangan fuqarolar ham borligini
qoʻshimcha qildi.
«Oʻlim holati boʻlgan. Ikki nafar shaxs oʻlgani toʻgʻrisidagi
holat bor. Yana tan jarohati olingan holatlar ham bor. Hozir tergovga qadar
tekshiruv harakatlari oʻtkazilmoqda. Natijasi boʻyicha sizlarga maʻʻlumot beriladi»,
— dedi Bosh prokuratura xodimi.
Gazeta.uz’ning hududdagi manbalariga tayanib xabar berishicha,
hodisa oqibatida kamida 4 kishi vafot etgan va jarohatlanganlar ham bor.
Eslatib oʻtamiz, 1 sentyabrʻ kuni Surxondaryoning Boysun tumani
Koʻlqamish mahallasi hududida joylashgan «Mustaqillikning 25 yilligi» koniga
qarashli 604-son quduqda burgʻilash ishlarini olib borish vaqtida texnologik
jarayonning buzilishi natijasida oltingugurt (vodorod sulʻfid) gazi chiqishi
boshlangan edi.
2 sentyabrga oʻtar kechasi FVV quduq yaqinidagi aholi evakuatsiya
qilingani, vaziyat toʻliq nazoratga olingani, vahimaga oʻrin yoʻqligini bildirdi. Prezident topshirigʻiga
asosan voqea joyiga bir guruh masʻʻullar, xususan, bosh vazir oʻrinbosari Ochilboy
Ramatov etib bordi.
Mavzuga aloqador
-
Qirgʻiziston prezidenti Sadir Japarov mart voqealarining 19 yilligi munosabati bilan qirgʻiz xalqiga murojaat yoʻlladi. U 2005 yil 24 martda qirgʻiz xalqi shaxsiy manfaatni xalq manfaatidan ustun qoʻyganlarni jazolash orqali tarixiy burilish yasaganini taʻʻkidladi.
-
Koʻplab eʻʻtirozlarga qaramay, Jizzaxdagi Tuzkon koʻli yaqinida Rossiya loyihasi asosida atom elektr stantsiyasi (AES) qurilishi boshlandi. Loyiha Oʻzbekiston va Rossiya tomonidan 2017 yildan beri muhokama qilinadi. Nihoyat 2019 yilda Tuzkon koʻli yaqinidagi maydoncha tanlangan. Bu erda katta AESdan tashqari, umumiy quvvati 330 MVt boʻlgan kichik modulli reaktorlar qurish ham rejalashtirilgan. Rosatom loyihaning bosh pudratchisi boʻlib, unga Oʻzbekiston kompaniyalari yordam beradi.
