AQShning oliy harbiy rahbariyati uchun 13 milliard dollarga “qiyomat samolyoti” buyurtma qilindi
AQShning oliy harbiy rahbariyati uchun 13 milliard dollarga yangi “qiyomat samolyoti” buyurtma qilindi. Boeing E-4 Nightwatch samolyotidan AQSh qoʻmondonligi strategik va strategik boʻlmagan qurollar bilan aloqa oʻrnatishi mumkin.
AQSh
harbiy-havo kuchlari “Qiyomat kuni samolyoti” deb nomlanuvchi Boeing E-4 Nightwatch
oʻrnini bosuvchi yangi samolyot yaratish boʻyicha 13 milliard dollarlik shartnoma
imzoladi, deya xabar bermoqda TASS Reuters agentligiga tayanib.
Agentlik
maʻʻlumotlariga koʻra, tenderda Sierra Nevada Corporation samolyot ishlab chiqaruvchi
kompaniyasi gʻalaba qozongan. Ushbu kompaniya A-29 Super Tucano va RAPCON-X singari
hujum hamda razvedka samolyotlarini ishlab chiqaradi.
Yangi
"qiyomat samolyoti"ning qurol-yarogʻ tizimi harbiy talablarga javob berish
uchun kuchaytirilgan va zamonaviylashtirilgan tijoriy reaktiv samolyotdan iborat
boʻladi. Loyihani 2036 yilda yakunlash moʻljallangan. Havo-desant amaliyotlarini
boshqarish markazi esa Kolorado, Nevada va Ogayo shtatlarida faoliyat olib boradi.
Eski “qiyomat
samolyoti” hisoblangan Boeing E-4 Nightwatch havoda yoqilgʻi quyilgan taqdirda, osmonda bir
haftagacha parvoz qila oladi. Bortdagi barcha jihozlar yadroviy portlashning
zararli omillaridan himoyalangan. Ushbu samolyot yordamida AQSh qoʻmondonligi
strategik va strategik boʻlmagan qurollar bilan aloqa oʻrnatishi mumkin. E-4 Nightwatch70-yillardagi
Boeing 747-200 samolyotining modernizatsiya qilingan shakli boʻlib, 2030-yillarga
borib eskirgan deb hisoblanadi.
Hozirda
AQSh harbiy-havo kuchlarida toʻrtta shunday samolyot bor. Ular Mudofaa vaziri
va boshqa yuqori martabali harbiy amaldorlar ixtiyorida, lekin Oq uy rahbari ham
foydalanishi mumkin. Samolyotlardan biri favqulodda vaziyatlar yuzaga kelganda,
ayniqsa, dushman tomonidan yadro qurolidan foydalanilganda doimiy shay holatga
keltiriladi.