06.05.2025 18:12
27
Буюк Британия Россиянинг эҳтимолий ҳужумига тайёргарликни бошлади
Буюк Британия ҳукумати Россиянинг эҳтимолий ҳарбий ҳужумга тайёргарлик кўрмоқда ва уруш ҳолатидаги ҳаракатлар бўйича янги режа устида ишламоқда. Бу режа 2005 йилдан бери илк бор қайта кўриб чиқилмоқда, деб ёзмоқда The Telegraph.
Маълум қилинишича, ҳужжат “Миллий мудофаа режаси” деб номланади ва можаро бошланган дастлабки кунларда амалга оширилиши лозим бўлган ҳаракатлар тартибини белгилайди.
Хусусан, ҳужжатда ҳукумат уруш эълон қилинса қандай чоралар кўриши, мамлакатни ҳарбий ҳолатда қандай бошқариши кераклиги баён этилган. Шунингдек, вазирлар маҳкамаси аъзолари ва қироллик оиласини ҳимоя қилиш учун мўлжалланган бункерлар, темир йўл ва автомобиль инфратузилмаси, фуқаролик флотлари, почта ва телефон тармоқларидан фойдаланиш тартиби кўзда тутилган.
Режада оммавий ахборот воситалари фаолиятини ташкил этиш ва зарур ресурсларни жамғариш масалалари ҳам акс эттирилган.
Бундан ташқари, ҳужжатда можароларнинг бир нечта бошланиш сценарийлари келтирилган. Жумладан, Буюк Британияга оддий ёки ядровий ракеталар орқали ҳужум бўлиши ҳамда 2005 йилда долзарб бўлмаган, аммо бу сафар батафсил ёритилган киберуруш сценарийси ҳам мавжуд.
