Трамп ўзинининг Папа сифатида тасвирланган суратини эълон қилди

АҚШ собиқ президенти Доналд Трамп Папа кийимидаги сунъий интеллект орқали яратилган суратини Х'даги (Собиқ твиттер) саҳифасига жойлаштирди. Папа Франциск вафотидан атиги 11 кун ўтиб эълон қилинган ушбу сурат кўплаб танқидларга сабаб бўлди.

Суратда Трамп оқ либосда, бошида папа қалпоғи (митра) ва бўйнида катта хоч билан тасвирланган. Трамп ҳатто илгари журналистларга берган интервьюсида ҳазил тариқасида: “Мен Папа бўлишни истардим. Бу мен учун биринчи рақамли танлов бўларди”, деган эди. У, шунингдек, Нью-Йоркдаги бир кардинални папалик учун “жуда яхши номзод” деб баҳолаган.

Папа Франциск 88 ёшида инсульт ва юрак етишмовчилиги оқибатида вафот этганди. Шундан сўнг янги Папа сайлови бошланган.

Трампнинг мазкур пости ижтимоий тармоқларда кўплаб танқидларга сабаб бўлди. Католик жамоаси аъзолари эса бу суратни "ҳурматсизлик" деб атаган. Шунингдек, Трампнинг Папа дафн маросимига ноодатий кўк костюмда келгани ва маросимда сақич чайнагани ҳам танқидларга сабаб бўлган эди. Баъзилар эса унинг маросим чоғида Украина президенти Владимир Зеленский билан учрашувини ноўрин деб топган.