Бомбаланаётган Ғазо: 437-куннинг асосий воқеалари

Босқинчилар Хон Юнис, Рафаҳ, Байт Ханун, Нусайрат, Жабалия ва Бурайж лагерларига ҳужум қилди.
▪️Босқинчилар 24 соат ичида Хон Юнис ва Нусейрат лагеридаги кўчирилганлар билан тўртта мактабда қирғин уюштирди. 69 киши ҳалок бўлди, 100 дан ортиқ киши яраланди.
▪️Касалхона директори Камол Адван: Босқинчилар шифохона дарвозалари, генераторлар ва сув идишларига ҳужум қилишди. Шаҳидларнинг жасадлари кўчада ётибди, биз уларни эвакуация қила олмаймиз.
▪️Босқинчилар «Ал-Жазира» телеканали журналисти Аҳмад Ал-Лухни фуқаролик мудофаасининг 5 нафар ходими билан бирга ўз хизмат миссияси давомида ўлдиришди. Аҳмад Ғазода нацистлар қўлида ҳалок бўлган 196-журналист бўлди.
▪️Ал-Қудс бригадалари Шужайяда ишғол машиналарини портлатиб юборди.
▪️Қаршилик жангчиси Ғарбий Соҳилдаги Ариел аҳоли пунктида ишғол аскарининг машинасига ўқ узди. Жангчини қидириш давом этмоқда.
▪️Ахиос: Ғарбий Соҳилдаги Женин қаршилиги Фаластин маъмурияти учун ҳал қилувчи дақиқадир. Америка ПА хавфсизлигини таъминлаш учун ҳарбий ёрдам учун Исроилдан рухсат сўради.
▪️Исроил Фаластин тарафдори фаол позицияси туфайли Ирландиядаги элчихонасини ёпди.
▪️УНРВА Женин бригадалари ва Фаластин маъмурияти кучлари ўртасидаги шиддатли тўқнашувлар сабабли Женин қочқинлар лагеридаги фаолиятини яна бир кунга тўхтатганини эълон қилди.
▪️New York Times: Исроил 50 йил ичида биринчи марта Голан тепаликлари ташқарисидаги Сурия ҳудудига кирди.