Британия армияси раҳбари уч йил ичида урушга тайёргарлик кўришга чақирди

Британия армияси уч йил ичида урушга тайёр бўлиши керак. BBC хабарига кўра, бу ҳақда қуролли кучлар қўмондони генерал сэр Роланд Уокер баёнот берган.

Унинг фикрича, уруш муқаррар эмас, аммо армия можарога тайёргарлик кўриши ва унинг олдини олиши учун "етарли вақт" бор. Қўмондон 2027 йилгача армиянинг жанговар қобилиятини икки бараварга, ўн йиллик охиригача эса уч баравар оширишни тайёргарликнинг асоси деб атади.

Британия яқин йилларда дуч келадиган асосий таҳдидлар қаторида можаро оқибати қандай бўлишидан қатъи назар, Украинани қўллаб-қувватлагани учун Ғарб давлатларидан ўч олишни исташи мумкин бўлган «ғазабланган» Россия ҳам бор.

“Бу қандай тугаши муҳим эмас. Ўйлайманки, Россия бу урушдан кучсизроқ, холисона ёки мутлақо чиқади, лекин, барибир, ўта хавфли бўлиб қолади ва Украинага қилган ёрдамимиз учун қандайдир қасос олишга интилади”, — деди генерал.

У, шунингдек, Хитой Тайван устидан назоратни қўлга киритишни мақсад қилгани ва Эрон ядро қуролига эга бўлишга интилаётгани ҳақида огоҳлантирди. Унинг сўзларига кўра, бу давлатлар ўзаро бизнес алоқаларини ўрнатган, қурол ва технологиялар алмашган.

Уокер, шунингдек, расмийлардан қўшимча маблағ талаб қилиб, армияни модернизация қилиш ва сунъий интеллект каби янги технологияларга эътибор қаратишга чақирди. Унга кўра, Британия армияси ўзидан уч баравар каттароқ душманни йўқ қила олиши керак.

Буюк Британия Мудофаа вазирлигининг сўнгги маълумотларига кўра, Британия армиясининг мунтазам кучларида 75 325 киши бор. Британия мудофаа департаменти раҳбари Жон Хили қуролли кучларнинг ҳозирги ҳолатини «вайрона» деб таърифлади.

Америка урушни ўрганиш институти (ISW) маълумотларига кўра, Путин узоқ муддатда НАТО билан кенг кўламли урушга ҳозирлик кўрмоқда. Таҳлилчиларнинг фикрича, қўшинлар сонининг кўпайиши, ҳарбий иқтисодиётга ўтиш ва Россиянинг ҳарбий-маъмурий бўлинишини ислоҳ қилиш бунга далолат қилади. Хусусан, мамлакатда ғарбий йўналишда кучларни жамлашга қодир бўлган Москва ва Ленинград ҳарбий округлари қайта тикланган.

Аввалроқ Пентагон раҳбари Ллойд Остин Украинанинг мағлубияти Россия ва НАТО ўртасида урушга олиб келишидан огоҳлантирган ҳамда Путин “қўшниларининг суверен ҳудудини тортиб олишга” уринишда «тўхтамаслигини» таъкидлаган эди. Британия, Дания, Норвегия, Нидерландия, Швеция, Германия, Чехия, Бельгия ва Эстония армия қўмондонлари ҳамда мудофаа вазирлари ҳам бу фикрга қўшилишди.

Путиннинг ўзи бу каби баёнотларни «бемаънилик» деб атади. "Бу Россия йўналишидаги нотўғри сиёсатни оқлаш йўлидаги шунчаки сўз", деб, Россиянинг НАТОга қарши курашда "ҳеч қандай асоси ва манфаатдорлиги" йўқлигини таъкидлади.

Мавзуга алоқадор

Энг кўп ўқилган

Тавсия қилинган