12.05.2025 09:52
85
PKK rasman qurol tashlagani va oʻzini tarqatganini eъlon qildi
PKK rasman qurol tashlagani va oʻzini tarqatganini eъlon qildi2025 yil 12 may kuni 40 yildan ortiq davom etgan qurolli kurashdan soʻng Kurdiston Ishchilar partiyasi (PKK) oʻzini oʻz-oʻzidan tugatish va qurollarni topshirish qarori qabul qilganini eъlon qildi. Bu qaror Turkiya bilan tinchlik tashabbusi doirasida, shimoliy Iroqda boʻlib oʻtgan partiya qurultoyida qabul qilindi.
PKK'ga yaqin manbalardan biri — Firat News Agency tomonidan tarqatilgan bayonotda “PKK tashkiloti tugatildi va qurolli kurash yakunlandi”, deya maъlum qilindi.
Bu tarixiy qaror PKK etakchisi Abdulloh Oʻjalanning 2025 yil 27 fevralda yoʻllagan chaqirigʻidan soʻng amalga oshirildi. Oʻjalan 1999 yildan buyon Istanbul yaqinidagi orolda qamoqda saqlanmoqda va u partiyani tugatish hamda qurollarni topshirish uchun qurultoy chaqirishga daъvat qilgan edi. Shundan soʻng PKK 1 mart kuni bir tomonlama oʻt ochishni toʻxtatganini eъlon qildi.
Qurultoyda PKK'ning tarixiy missiyasi yakunlangani va kurd muammosini endilikda demokratik siyosiy jarayonlar orqali hal qilish mumkinligi taъkidlandi. Shuningdek, qurolli kurashni davom ettirish endi zarur emasligi qayd etildi. Qurollarni topshirish jarayoni Abdulloh Oʻjalan nazoratida amalga oshiriladi.
Turkiya hukumati va xalqaro hamjamiyat ushbu qarorni ijobiy qadam sifatida baholamoqda. U mamlakatda tinchlik va barqarorlik sari muhim burilish nuqtasi boʻlishi mumkin.
Eslatib oʻtamiz, PKK 1984 yildan beri Turkiyada qurolli harakat olib borib, oʻn minglab insonlarning hayotiga zomin boʻlgan. Turkiya, AQSh va Evropa Ittifoqi tomonidan terrorchi tashkilot deb eъtirof etilgan PKK'ning bu qarori mintaqaviy tinchlik va barqarorlik yoʻlida yangi sahifa ochishi mumkin.