Gʻazoda urush boshlangan 2023 yil 7 oktyabridan buyon AQSh Isroilga havo va dengiz orqali 50 ming tonnadan ortiq qurol-yarogʻ etkazib berdi. Isroil Mudofaa vazirligi maʻʻlumotlariga koʻra, 500 ta parvoz va 107 ta dengiz joʻnatmalari orqali 50 ming tonnadan ortiq harbiy texnika va texnika etkazib berilgan.
Sudanda hukumat armiyasi va Tezkor harakat kuchlari oʻrtasidagi toʻqnashuvlar boshlanganiga 500 kun boʻldi. Bu davr mobaynida mamlakat har tomonlama tanazzulga yuz tutdi, 19 mingga yaqin inson halok boʻldi, 10 milliondan ziyoj kishi uy-joylarini tashlab ketishga majbur boʻldi.
Pokiston shimoli-gʻarbida jangarilar Panjob-Balujiston yoʻlida tinch aholiga, shuningdek, politsiya boʻlimlari, harbiy baza va temir yoʻlga hujum qildi
Yakshanba kuni Nigeriya poytaxti Abujada Eron tomonidan qoʻllab-quvvatlanuvchi shia guruhi hujumi oqibatida kamida ikki huquq-tartibot xodimi halok boʻldi, yana uch nafari hushsiz holda topildi.
Iroqning Karbalo shahrida Imom Husayn vafotining qirqinchi kunida nishonlanadigan Arbain marosimini oʻtkazib qaytayotgan pokistonlik shialarning uchta avtobusi halokatga uchradi. YTHlarda kamida 38 kishi halok boʻldi, oʻnlab ziyoratchilar jarohatlandi.
HAMAS bilan urush boshlanganiga qariyb 11 oy boʻldi. Isroil rahbarlari Gʻazo sektoriga hujumni shiddatli tarzda davom ettirayotganiga qaramasdan, urushning oxiri koʻrinmaydi, aksincha, yanada kengroq toʻqnashuvlarga aylanish alomatlari koʻrinyapti, mamlakat iqtisodiyoti esa zoʻriqmoqda. Urush boshlanganidan beri 46 mingga yaqin korxona yopildi, ularning 75 foizi kichik biznes vakillari.
Isroil Gʻazo sektorida bosqinchilik va qirgʻinbarot urushini boshlaganiga 325 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
Ukraina qurolli kuchlarining uchuvchisiz uchoqlari Saratov va Engelʻsdagi koʻp qavatli turar-joy binolariga hujum qildi, dedi Saratov viloyati gubernatori Roman Busargin. Shuningdek, Engelʻs tumanidagi Pribrejniy qishlogʻida yana toʻrtta xususiy uy zarar koʻrdi. Hujumlar natijasida bir kishi ogʻir yaralangan.
Frantsiya hukumati Telegram asoschisi Pavel Durovni hibsda saqlash muddatini 96 soatgacha (4 kun) uzaytirdi. Durov firibgarlik, giyohvand moddalar savdosi, kiberbulling, uyushgan jinoyatchilik va terrorizm tashviqoti kabi jinoyatlarda gumonlanmoqda. Telegram ushbu ayblarni rad etdi.
Rossiya Savdo-sanoat palatasi vitse-prezidenti Elena Dibova NTV telekanaliga bergan intervʻyusida mamlakatdagi harbiy zavodlarda ishlaydigan odam yoʻqligini taʻʻkidlab, xizmat koʻrsatish, jumladan, kurʻerlik va taksichilikni taqiqlab, ushbu sohalarda ishlaydiganlarni harbiy zavodlarga joʻnatishni taklif qildi.