Bombalanayotgan Gʻazo: 333-kunning asosiy voqealari
Isroil Gʻazo sektorida bosqinchilik va qirgʻinbarot urushini boshlaganiga 333 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
▪️Bosqinchilar Jabaliyadagi bozor,
Nuseyrat lageri va Mavasi hududidagi koʻchirilganlar joylashgan chodirlarga hujum
qildi. Urush boshlanganidan buyon 40 786 kishi shahid boʻldi.
▪️Natsistlar YuNRVAning Jabaliya lageridagi koʻchirilganlar
uchun maktabi yonida non uchun navbatda turgan odamlarga qarata oʻq uzdi. 8 kishi
shahid boʻldi.
▪️Gʻazoda 160 ming nafar bola
poliemilitga qarshi emlandi. Emlash ishlari JSST, YuNISEF va YuNRVA hamkorligida
amalga oshirildi.
▪️Gʻarbiy
Sohilda bosqinchilar Jenin lagerini 7-kundirki qamalda ushlab turibdi. Al-Xalilga
boradigan yoʻllar toʻsib qoʻyilgan, Tulkarm, Nablus va Qalqilya ham hujum ostida.
▪️Tulkarmda shiddatli janglar ketmoqda, u butunlay qamalda,
kasalxonalarga olib boruvchi yoʻllar toʻsilgan, bosqinchilar bir bolani oʻldirgan. 7
kun ichida shahidlar soni 30 kishiga etdi.
▪️Husiylar
Qizil dengizda ikkita neftʻ kemasiga hujum qilishdi. Bir kema Panama bayrogʻini
koʻtargan, ikkinchisi - KSA.
▪️Suriyadagi AQSh harbiy bazasi kuchli raketa zarbalariga
uchradi.
▪️Al-Jazeera: HAMAS Gʻazo shimolida oʻz kuchlarini
tiklab, 3000 nafar yangi jangchini jalb qildi.
▪️Turkiyaning Izmir shahrida yoshlar
Amerikaning USS Wasp aviatashuvchi
kemasining 2 askarini Falastin xalqiga qarshi genotsidda ayblab, kaltakladi va birining boshiga qop kiydirdi.
15 kishi hibsga olingan.
▪️Isroil razvedka xizmati Quddus
va Falastinning sobiq muftiysi, Al-Aqso masjidi imomi Shayx Ikrima Sabriyni guvohlik berish
uchun chaqirtirdi. Politsiya
uning bosib olingan Sharqiy Quddusdagi uyiga bostirib kirgan va tintuv oʻtkazgan.